Pynthikna ban pyndep ïa ka jingshakri ba la ai ha phi
KOLOSSAI 4:17 KHB
Bad to ong ha u Arkhippos, “To men sumar ïa kata ka kam ïathuhkhana ïa kaba me la pdiang ha U Trai, ba men pyndep ïa ka.”
KOLOSSAI 4:17 KHACLBSI
Bad ong ïa u Arkhippos, “Pynthikna ban pyndep ïa ka kam kaba la ai ha me ha ka jingshakri ïa U Trai.”
COLOSSIANS 4:17 NKJV
And say to Archippus, “Take heed to the ministry which you have received in the Lord, that you may fulfill it.”
Ha katei ka dkhot ngi iohi ia ki saw tylli kiei kiei kiba long ka jinghikai ba khraw ia ngi.
1. Ngi don ka ministry na U Trai.
ROM 12:6-8 KHB
⁶Te ba ngi don ki jingai kiba ïapher katba kum kata ka jingaiei ïa kaba la sam ha ngi, la ka long ka jingïathuhlypa, to ngin ïathuhlypa katba ka shong kata ka jingthew jong ka jingngeit; ⁷la ka long ka jingshakri, to ngin minot ha kata ka jingshakri; la ka long uta uba hikai, to un minot ha kata ka jinghikai; ⁸lane uta uba sneng, to un minot te ha kata ka jingsneng; lane uta uba ïasam, to un leh kumta da ka jingkylluid sngur; lane uta uba synshar, un leh kumta da ka jingleh minot; uta uba leh isynei, un leh kumta da ka jingkmen.
U Blei u la aiti ha ngi ia ka jingshakri ha la ka jong ka jong. Kumta uwei pa uwei na ngi, ngi donkam ban sngewthuh tikna kaei ka ministry ba U Trai u la ai ha ngi. Ka lah ban dei kaba rit ne kaba khraw.
Bunsien ki briew/bangeit, wat kiba lah shakri ia U Trai kim sngewthuh kaei ka ministry ba U Trai u ai ha ki, kumta ki shu kynrup kat kaba ioh, kat kaba itynnad. Ïa kane ruh kynrup, ïa katai ruh kynrup. Ym ithuh u don jingai ha kaei. Bad phin shem ha kaba kut kim poi shaei shaei. Ha kane ruh ym long, ha katai ruh ym long, ha ka bakut, shu kut ha suiñ, ym don lyer haei haei ruh.
Nga lah iohi ia kane wat ki nongrwai nongtem ruh, don ki briew kiba shu ikwah lut, tem drum ruh kwah, guitar ruh kwah, bass ruh kwah, shu kwah lut, katba ha kaba kut kawei ruh ym poi shaei shaei. Lah jia long kumba ong kato ka ktien, 'Jack of all trades, master of none'.
Ngi donkam ban duwai ba U Blei un pyni kaei ka ministry ba U Blei u ai.
2. Ngi hap ban sumar bha ia kata ka ministry.
Haba ngi lah sngewthuh kaei ka ministry ba U Trai u ai ha ngi, ngi hap ban sumar bha ia kata.
N.B: Sumar kam mut satia ba ngin song khop kum uto uba ioh kawei ka talent, hynrei ka mut ban peit (peitngor), ban khmih ba kata ka ministry ba U Trai u la ai ka dei ban trei kam bha.
Bun bah ki briew kiba U Trai u la ai ka ministry ha ki, wat kiwei ruh ki lah iohi, hynrei kim sumar ia ka, kim pyntreikam kumba dei ban trei, ki leh bymsuidñiew. Kane ka long kaei kaei kaba pynsngewsih ia U Trai, ym tang ba ka pynsngewsih, hynrei ka pynbitar ia U.
U Trai u bitar ia uto uba ioh kawei ka talent namar ba um shym la pyntreikam hok ia ka. Pule - MATHAIOS 25:24-30
Ai kane kan long ka jinghikai na ka bynta jong ngi ba ngin pyntreikam hok ia kata ka ministry ba U Trai u la ai ha ngi.
3. Ngi dei ban pyntikna ban pyndep ia kata ka ministry jong ngi.
Ngi hap ban don ka jingkitkhlieh ia kata ka ministry ba U Trai u la ai ha ngi bad ban pyntikna ba ngin pyndep ia ka, khnang ba lada ka dei ban leit noh ruh ngin don kata ka jingsngewtikna kumba u Apostol Paul u la sngewtikna ban ong, "Nga la pyndep ia la ka jingiaphet"
2 TIMOTHI 4:7-8 KHB
⁷Nga la ïaleh ïa kata ka jingïaleh babha, nga la pyndep ïa la ka jingphet, nga la ri ïa ka jingngeit. ⁸Naduh mynta, ïa nga la buh ïa kata ka pansngiat jong ka hok, ïa kaba U Trai, uta U Nongbishar bahok, un ai ha nga ha kata ka sngi: bad ym tang ha nga hi, hynrei, ha kita baroh ruh kiba ieit ïa kata ka jingmihpaw jong u.
Dei haba ngi la pyndep hok ia kata ka jingshakri ba U Trai u ai ha ngi, ngin don kata ka jingsngewskhem bad ka jinghun ba lada ka dei ban leit noh shibit ne lashai ruh ngi lah hun. Bad lada ka dei ban leit ai jingkhein ha khmat jong U Blei ruh ngi don kata ka jingsngewshlur. Hallelujah!
Kynmaw U Blei un nym pan jingkheiñ ia kaba um shym la ai, hynrei un pan tang ia kata kaba u la ai.
e g: Pharshi ki Talent.
4. Iarap ruh ia kiwei ba kin pyndep ia ka ministry jong ki.
U Apostol Paul u don ia ka ministry ha ka ban iarap ia kiwei (khamtam ia kiba hapoh jong u) ba ki lah ban pyndep ia ka ministry jong ki. Khamtam haba u iohi ia ki ba ki sdang ban leh klet ia kata ka jingshakri.
**U kyntu ia U Arkhippos kumba ngi la pule haneng. KOLOSSAI 4:17
U ong ruh ia ki bangeit ba kin ong bad kyntu lem ia u ba un pyndep ia kata ka jingshakri ba la aiti ha u.
**U kyntu ruh ia U Timothy.
2 TIMOTHI 1:6 KHB
Namar kane ka daw keiñ, nga pynkynmaw ïa me ba men tynruh ïa kata ka jingai jong U Blei, kaba don ha me da kata kaba buh ïa ki kti jong nga.
1 TIMOTHI 4:16 KHB
To sumar shaphang ïa lade, bad ïa la ka jinghikai; to men ïaineh ha kine kiei kiei; namar haba leh ïa kane, men pynim ïa lade bad ïa kita kiba ïohsngew ïa me keiñ.
2 TIMOTHI 4:2 KHB
To men ïalap ïa kata ka ktien; to ïaiminot haba dei por, ha bymdei por de; to pynkynduh, to sneng, to kyntu da ka jingshahslem baroh bad ka jinghikai.
Ngi donkam ia kaba kum kane ka ministry jong u Apostol Paul ban kyntu kynpham lem lada ngi iohi iano iano kiba leh sting ia kata ka ministry ba U Trai u la ai ha ki. Ban kyntu, ban ai mynsiem ba ki lah ban pyndep ia ka.
Teng teng da lade kim lah ban sngewthuh, ki sngew ba ka biang nadong shadong, hynrei da kaba ngi pyni bad kyntu kan pynkyndit thiah ia ki, kan pynlong ia ki ba kin pyrkhat thymmai biang.
Kane ka jia ia kiba bun, ka jia ia U Timothy, ka jia ia u Arkhippos, bad kiwei kiwei. Ngi donkam ban ia kyntu paralok.
Kane ka long ka jinghikai ha kane ka por. To U Blei un kyrkhu. Amen
© Jester Mawlong | Jan 11, 2023
La shah laitluid ban SHARE ia kane ka post, hynrei yn nym shah ban print ne pynmih ha kino kino ki jingthoh khlem ka permission.
Comments
Post a Comment