Jester Mawlong

Lehse don ki ban pyrkhat, balei nga kren shaphang kane ka jingdie met. Ka daw ka long haba nga peit ïa ka longbriew manbriew ha kine ki sngi, ka jingleh bad ka rukom im ka lah long palat, kaba ngam lah ban shu sngap jar, namar nga tip kane ka long ka jingma kaba khraw ïa ka jingim jong ki . Ka jingma kam dei tang ka jingpang HIV, AIDS, hynrei ka jingma kaba kongsan eh ka dei ka dujok ding! Ka ktien jong U Blei ka ong, Haba me ïohi ba ka jingma ka wan bad lada mem maham, bad lada uta u briew ne ka briew ki ïap, ia ka snam yn pan na me (Esekiel 3:18-19; 33:8). Kane ka dei ka daw ba nga kren shaphang kane ka jingdie met. Ka jingdie met ka dei kata kaba ki kynthei ki die ïa la ka jong ka met ban ïoh pisa. Ym da kaba bylla sngi, hynrei ban shu ïoh suk. Kynmaw ka jingkwah eh ban shu ïoh suk, ka ïalam bakla noh. 1 TIMOTHI 6:9 “Hynrei, kita kiba kwah eh ban riewspah, ki hap sha ka jingpynshoi bad ka jingriam, bad sha ki bun ki jingkwah brai kiba bieit bad kiba pynsniew, kiba pynjyllop ïa ...

Kumno ngin ïoh pdiang ïa ki jingkular jong U Blei? Haba ngi pule ha ka Bible ngi iohi ba U Blei u dei uba bat jutang, bad ia kaei ba U kular u pyndep ruh ia ka. Ka jingkylli ka long, Kumno ngin ioh ïa kita ki jingkular jong U Blei? 1. Da U Jisu Khrist:  2 KORINTH 1:20  "Namar ki jingkular U Blei katba don, ki long ha u kaba ho-oid, bad ha u kaba Amen, ïa ka ban pyndonburom ïa U Blei da ngi." Ngin nym lah ban ioh ia ki jingkular jong U Blei lada ngim don ia U Khrist, dei lyngba jong U Khrist ba ngi don ka hok ban leit sha U Kpa ban pan ne ban dawa ( claim ) ïa kita ki jingkular baroh ba la kular na ka bynta jong ngi. ÏOANNIS 15:16  “... ba kaei kaei ruh ba phin pan na uta U Kpa ha ka kyrteng jong nga, un ai ha phi.” Kumta ka long kaba kongsan ïa ngi ba ngin ngeit bad pdiang ïa U Jisu ha ka dohnud jong ngi. 2. Da ka jingngeit:  Kaba ar ka dei ka jingngeit jong ngi, ban ngeit ia U Blei khlem jingartatien, bad haba ngi ngeit da shisha ngin ioh ia kita ki jing...

Ïaid ha ka jingshisha  Ïaid ha ka Bible ka mut ruh im . Haba ong, ïaid ha ka jingshisha ka mut im ha ka jingshisha. Ïaid ka kren ruh ïa ka movement , ka progress . Kaba mut ba ngi hap ban ïai leh, ban ïai im, haduh kaba kut. Ym dei ban sangeh shiteng. Ngi im ha ka por ha kaba sawdong jong ngi ka dap da kiei kiei ki bym shisha. Ka jingthok, ka jinglamler, etc. Kumta ka long kaba donkam ïa ngi ki bangeit ban ïaid ha ka jingshisha. 2 ÏOANNIS 1:4 Nga la kmen shibun eh naba nga la shem ba don na kita ki khun jong pha kiba ïaid ha ka jingshisha, kumba ngi la pdiang ruh ïa ka hukum na uta U Kpa.  3 ÏOANNIS 1:2-4 ²Ko hep ba-ieit, nga duwai ba ha kiei kiei baroh men roi bad ba men khiah khran, kat kumba ka roi ka mynsiem jong me. ³Namar nga la kmen shibun eh, haba ki parabangeit ki la wan bad ki la ïaphla babha shaphang kata ka jingshisha jong me, kat kumba me ïaid ha ka jingshisha. ⁴Ngam don ka jingkmen ba kham khraw ïa kane keiñ, ba ngan ïohsngew ba ki khun hep jong ng...

Ka jingiathuhkhana shaphang ‘Arngut ki Syiem’ Ha kane ka por nga kwah ban kren shaphang ar ngut ki Syiem, uwei u dei u Syiem Nebukhadnessar bad uwei pat u dei u Syiem David. U Syiem Nebukhadnessar U Syiem Nebukhadnessa u dei u Syiem uba khraw jong ka hima Babilon. La ong u une u syiem Babilon u la long u syiem uba khrawbor haduh katta katta, ha kaba u la jop thma ïa kiba bun ki ri ha ka por jong u. U la roi ha ka spah ka phew, ka jingdon jingem, bad ka nam jong u ka la phriang kylleng. Bad namar ka jingkhraw ka nam ka burom, ka spah ka hajar jong u, ka jingsarong ka la rung ha u, haduh ba u sngew ba kita kiei kiei baroh ki dei ka jinglah jong u, ka jingstad jong u bad um shym kynmaw Blei shuh ha ka jingim jong u. Ka Bible ka iathuh ïa ngi ba ha kawei ka sngi u dang ïaid kai ha ki barada kata ka ïing syiem dulan paki jong u, u la peit sawdong u ïohi ïa ka jingitynnad jong ka bad hangta u la sdang ban kren sarong ha ka dohnud jong u. To ngin pule DANIEL 4:28-33 [28] Kane baro...

Kiei kiba ngi dei ban kren? Kum ki Khristan bad ki briew salonsar ngi donkam ban pyrkhat kaei ba ngi dei ban kren? Ngim lah ban shu kren pathar katba mon lane ban shu kren khlem pyrkhat, ban ong ka ktien ioh ei, kaba khlem lut kren katba mon. Em, ngim lah satia ban leh kumta. Ka ktien jong U Blei kam shah ba ngin leh kumta, ka don ka nongrim ‘Kiei kiba ngi dei ban kren, bad kiei kiba ngim dei ban kren’ To ngin ïa peit ïa ki katto katne kita ki rukom kren ba ngi dei ban kren. 1. Kren ia kiei kiei kiba shisha Ngi im ha ki sngi ha kaba ka jur bha ka jingthok ka jinglamler, ka jingkren ïa kiei kiei ki bym shisha. Hynrei ka Ktien jong U Blei ka hikai ba ngim dei ban kren ïa kano kano ka jinglamler, ka bym shisha, hynrei ban kren tang ïa kiei kiei kiba shisha. EPHESOS 4:25 Naba kumta, da kaba buh noh ïa ka jinglamler, to kren ïa kaba shisha uwei pa uwei bad la u paramarjan; naba ngi ïalong ki dkhot jong ki paralok.  Ka jingkren barobor ia ka jingshisha ka pyni ïa ka jingsan (...

Ka jingkyrkhu jong ka jingkohnguh       (The blessing of obedience) Intro : Ka jingkohnguh ka dei kaba U Blei shem sngewbha haduh katta katta. Ngi ïohi ha ka Bible haba ki briew ki kohnguh, U Blei U ju kyrkhu ïa ki ha kiba bun syrtap. Ha baroh ki bynta, haba ngi kohnguh, kan don beit ka jingkyrkhu. E.g : Ki bangeit ïa ki nongialam, ki khun ha la ki kmie ki kpa, etc. U Blei u buh tyngkai ïa ka jingkyrkhu na ka bynta kiba kohnguh.  Kham tam ka jing- kohnguh ïa U Blei bad ka jingkhot jong U. Hynrei ka jingbymkohnguh pat ka long opposite ïa kata. Kata ka long ba U Blei um sngewbha bad haba U Blei um sngewbha ka jingeh kan long ïa kita ki briew, nga lah ban ong wat ka jingtim ka long ïa kita ki bymkohnguh. Ngi ïohi naduh kaba mynnyngkong, haba ka Im bad u Adam kim shym la kohnguh, ka la pynsngewsih ïa U Blei, bad ka jingtim ruh ka la long ïa ki. Jen.3:1… Nangta ngi ïohi shaphang u syiem Saul, u syiem uba lah da jied da U Blei, hynrei haba um lah ban kohnguh ha...

Ïai ap ïa ka por jong U  Paralok baieit, lehse don na phi kiba la lynga, pisa namar ba kiei kiei baroh kiba phi phohsniew, kiba phi kyrmen kim i poi shano shano, shibun ki jingpynwit, shibun ki jingkhang lad, bad bunsien phi sngew kumba U Blei u lah klet ïa phi. Phi sngew kumba U Blei um sngap shuh ïa ki jingduwai jong phi. Hynrei nga ong ïa phi, wat pat duh jingkyrmen, hynrei ‘Ïai ap ïa ka por jong U Blei, namar ka Ktien jong U Blei ka ong na ka kitab u Ekklesiastis 3:11, Ha ka por jong U un pynlong ïa kiei kiei baroh kiba itynnad! EKKLESIASTIS 3:11 U la pynlong itynnad ïa kiei kiei baroh ha la ka aïom. Ecclesiastes 3:11 NKJV He has made everything beautiful in its time.   U la pynlong ïa kiei kiei baroh kiba itynnad ha ka por, kaba mut ha ka por jong U. Ynda ka por ba U Blei U la buh ha ka jingim jong phi, phi shem ba kiei kiei baroh kin sa long kiba itynnad, ka ban da long maian (amazed) shisha. Nga kwah ban pyni ïa phi kawei ka nuksa shaphang uwei u briew ...

KA JINGNGEIT KABA KHAM KORDOR BAN ÏA KA KSIAR 1 PETROS 1:6-7 ⁶Ha kaba phi ïasngewkmen eh, la mynta khyndiat por, lada donkam, la pynsngewsih ïa phi ruh ha kiba bun jaid ki jingtynjuh; ⁷khnang ba kata kaba phrang ïa ka jingngeit jong phi, kaba kham kordor ïa ka ksiar kaba jot noh, la la phrang ruh ïa ka da ka ding, yn ïoh shem ïa ka ha ka jingïaroh bad ka burom bad ka jinglong burom, ha ka jingpynpaw U Jisu Khrist:  Hangne ngi iohi shaphang kata ka jingngeit kaba kham kordor ban ïa ka Ksiar. Kane ka pyni ba ka jingngeit jong kaba ngi don ha U Jisu ka long kaba kham kordor ban ïa ka Ksiar.  Ban don ïa ka Ksiar ka long kaei kaei kaba sngewtynnad, hynrei kaba kham sngewtynnad ka long haba ngi don ka jingngeit ha U Jisu. Balei ka kham kordor ban ïa ka Ksiar? Namar ba ka iai sah bymjukut. Ka Ksiar ka long temporary. Ka Ksiar kaba ki ong kam sniew ne sarang, hynrei ha ka sngi ba khadduh kan sa sarang. Lehse phin sngewphylla, hynrei la thoh ïa kane ha ka Bible....

Ka jinghikai na briew u ba-dkoh Ha ka kitab Ki Kam Ki Apostol 3:1-11 la iathuh ïa ngi shaphang uwei u briew uba dkoh naduh ka kpoh ka kmie ( kaba mut naduh dang kha, la kha dkoh ïa u ). Bad la ong ba une uba dkoh u ju shong khrong man la ka sngi ha khmat ka khyrdop jong ka temple kaba ki khot “Ka Baitynnad”.  Kumta ha kawei ka sngi, u Petros bad u Ïoannis ki la leit sha kata ka temple ban duwai, bad haba une u ba dkoh u la iohi ïa u Petros bad u Ïoannis, u la pan ban ioh jingisynei ( pisa ) na ki, kumta u Petros bad u Ïoannis haba ki la iohi ïa u, ki la ong ha u, ‘to khmih ha ngi’ bad une u briew da kata ka jingkhmih lynti ban ioh eiei na ki, u la khmih dngong ong ka Ktien jong U Blei. Hynrei u Petros u la ong pynban ha u, “Ka rupa bad ka ksiar ngam don, hynrei, ïa kaba nga don, nga ai ïa me. Ha ka kyrteng U Jisu Khrist uba na Nasaret, to ïaid.” KAM 3:6 Bad haba u Petros u la shim ïa ka kti jong u, bad u la pynieng ia une uba dkoh, ka Bible ka ong, u la kynrong joit,...

KI RUKOM IAID BA U KHRISTAN U DEI BAN IAID  Haba ngi kren shaphang ka rukom iaid ha ka Bible, ka kren ïa ka rukom im. Kumta ka long kaba donkam ba uwei pa uwei u bangeit ne Khristan un sngewthuh ba ka rukom iaid ( rukom im ) jong u Khristan ka iapher na ka rukom iaid jong ka pyrthei.  Ka pyrthei ka don la ka jong ka rukom iaid, u Khristan u don la ka jong ka rukom iaid, ha kaba u Khristan um dei satia ban pynbud kumba iaid ka pyrthei. Balei ba ngim dei ban iaid kumba iaid ka pyrthei? Namar ba ka bakut ( destination ) ka iapher. Kata ka dei ka bneng bad ka dujok. U Jisu ruh u kren shaphang ar tylli ki khyrdop, kaba khim bad kaba kylluid. Kaba kren hi ia ki ar tylli ki destination ( kiba kut ). Dei na kata ka daw u Apostle Paul u ong, ba phin ym iaid kumba iaid ki Jentil ( ki bym pat tip ne ngeit ïa U Blei ). EPHESOS 4:17 Ïa kane, namar kata, nga ong, bad nga phla ha U Trai, ba phin ym ïaid shuh kumba ïaid ki Jentil, ha ka jingthala ka jingmut jong ki. U Paul u ong,...

Kaba iohsngew ïa ka sur ba U khot Lada ngi peit na kaei ba la jia ha ka Bible ngi iohi kita kiba iohsngew ïa ka jingkhot jong U Trai bad kita kiba shu ia bud tynneng ka don ka jingiapher bak lybak. Kaba iohsngew ïa ka jingkhot: 1) Ka pynlah ban iehnoh ïa ka pyrthei bad        ka pop. 2) Ka pynlah ban ñiewduh ïa kiei kiei         baroh na ka bynta U Khrist. 3) Ka pynlah ban bud ïa U Trai khlem da       phaidien wat haba ki ia kynduh ïa ki       jingeh kiba bun. Hynrei kiba shu ïa bud tynneng pat kin nym lah ban iehnoh ïa ka pyrthei / pop. Kin nym lah ban kheiñ duh na ka bynta U Khrist. Bad kin nym lah ban shah ïa ki jingeh bad tang shipor kin phaidien noh.  Ngi iohi ka nuksa na kito ki 4 hajar, 5 hajar ngut ki briew kiba la ia bud ïa U Jisu. Ha kaba kut sah sa tang 120 ngut, kiba la ia lum lang ha kamra ba haneng. Ngin ia peit mynta ïa ka suksa, kumno ba kita kiba iohsngew ïa ka jin...

U Blei u donkam tang ka 'Hooid' na phi  Lehse don napdeng jong phi phi don ka jingkhot jong U Blei, hynrei haba phi sdang ban peit sha lade phi sngew ba phim long u babit (qualified) , phi pyrkhat ngam long kumta kumta, ne ngam don kata kata. Hynrei nga ong ia phi, haba U Blei u khot U donkam tang ka ‘ hooid ’ na phi, um da donkam eiei shibun. To ngin peit katto katne ki nuksa na ka Bible: 1. U Moses  Haba U Blei u khot ia U Moses, u Moses um don eiei ha u, u don tang u dieng duh, uba lah ban shu ioh ei na madan ne na khlaw. Bad haba U Blei u khot ia u, u Moses u la aidaw ba ngam don eiei, ngam nang, ngam lah etc etc, hynrei U Blei u ong kaei kato kaba ha ka kti jong me, u Moses u ong, ‘u diengduh’, kumta U Blei u la ong ia u khie leit tang bad uto ‘u diengduh', men iohi ia kiei kiei kiba khraw. Text: Eksodos 3:1… V.1-10 Ka jingkhot jong U Blei ia u Moses  V.11 U Moses u aidaw…1 Ch.4:1… U Moses u aidaw biang…2 V.10-13 U Moses i aidaw biang…3 V.14 Ka jingbitar ...

Ka mynsiem u riew ialeh  Ka mynsiem u riew ialeh ka dei ka mynsiem ka bym ju pyndem ha khmat u nongshun. Bunsien phin shem u riew ialeh hi watla u shah lympat, u kyllon hynrei um ju shong sah hangta, hynrei wut wut un khie bad un ieng bad un bteng ia ka jingialeh. U bangeit ruh u dei ban don ia kaba kum kata ka mynsiem, wat haba u la shah lympat, bad kyllon um dei ban thiah sah hangta, u dei ban ieng joit bad ban bteng ia ka jingialeh. Um dei ban shah rem! Sngewsih bun ki bangeit haba ki la shah lympat ha u soitan bad ka pop, ki shah lympat ha ki jingeh, jingkhuslai jingjynjar, ki shong sah hangta da ki snem ki snem, kim lah ban ieng, teng teng haba la leit ban ai kti ba kin ieng ruh kim treh shuh ban ieng. Lada phi dei uba kum kita, nga ong ïa phi ioh ïa ka mynsiem u riew ialeh, ban ym pyndem ha khmat u nongshun. Lada phi la kyllon shisien, ong ngan ieng biang mynta. Phim dei ban shah rem. MIKAH 7:8 Wat leh risa pyrshah ïa nga, ko nongshun jong nga: haba nga kyllon, ng...