Bat ïa ka jinglong khuid
Bat ïa ka jinglong khuid
Ka jingim khuid im kyntang ka long kaba donkam haduh katta katta ha ka jingim samla bad ki bangeit kumjuh.
Khlem ka jingkhuid ngin nym ioh ïa ka hima U Blei. Ka ktien U Blei lei ka ong tang ban ïohi ruh ngin nym lah ban ïohi, nai pyrkhat ban rung lei!
Na kata ka daw ngi donkam ban bat bha (maintain) ïa kane ka jinglong khuid.
Bat > kaba ngi lah ïoh
Wad > kaba ngim pat ïoh
Kaba mut ïa kane ka jingim jinglong khuid kaba ngi la ïoh na U Trai lyngba ka jingsait ka snam U Jisu, ngi hap ban bat skhem ïa ka.
Ka Ktien U Blei ka ong, Ri noh ïa lade ha ka jingkhuid. 2 Korinth 7:1
Khuid ha ka dohnud
Khuid ha ka jingmut jingpyrkhat
Khuid ha ki kam bad jingleh
La ka pyrthei ka nang tngit - hynrei to ngin ïai ri ïa ka jingkhuid. Jpw 22:11
Ngim lah ban leh kumba leh ka pyrthei. Rom 12:1, 2 hynrei pynkylla dur…
Kumno ngi lah ban bat ïa ka jinglong khuid?
Sumar ïa ka ktien U Blei.
Popular verse.
SALM 119:9, 11 KHB
[9] Da kumno u samla un pynkhuid ïa la ka lynti? Da kaba u leh sumar katba kum ka ktien jong me.
[11] Nga la ri khop ïa ka ktien jong me ha la ka dohnud, khnang ba ngan ym leh pop ïa me.
U samla u donkam ban ieid ïa ka ktien jong U Blei. Salm 1:3, ka jingpyrkhat ka dei ban long synïa sngi ha ka ktien U Blei.
Tip uei / kaei phi long.
Lada ngim tip uei ngi long, ka long kaba eh ban bat ïa kata ka jinglong khuid.
Balei kiba bun ki bangeit lane ki Khristan ha kine ki sngi (kham tam ki samla) kim lah ban ri khuid ia lade, ki ia im lang kumba ka pyrthei ka im, ki bam kumba ka pyrthei ka bam, ki riam kumba ka pyrthei ka riam, ki leh kumba ka pyrthei ka leh? Ka daw ka dei namar ba kim sngewthuh ia lade kiei ki long. Ki dei ki khun jong U Blei ne ki dei ki khun jong ka pyrthei bad u Soitan?
Hynrei lada ngi tip pat uei nga long, kata kan iarap ïa ngi ban bat ïa ka jinglong khuid.
Kum ki samla ngin ïa kynduh beit ïa ki jingpynshoi ba har rukom - ka bam ka dih, ka riam ka beit, ka kren ka khana, etc. Lada ngim tip uei ngi long, da kaba suk ngin compromise.
Ka Bible ka iathuh ia ngi ba naduh ba ngi la ngeit bad pdiang ia U Jisu ngi la long ki khun jong U Blei.
ÏOANNIS 1:12
Hynrei, kat kiba la pdiang ïa u, ha kito, u la ai bor ban long ki khun U Blei, kata, ha kita kiba ngeit ha ka kyrteng jong u.
Bad ha ka shithi u Petros la ong ba ngi dei na ka longïing lyngdoh, na ka jaid bynriew kaba khuid.
1 PETROS 2:9
Hynrei, ma phi, phi long ka kynja ba la jied, ka jinglong lyngdoh bakynja syiem, ka jaid bynriew bakhuid, u paidlang ba dei eh la u jong hi, ba phin da ïoh pynpaw ïa ki jingbha kor tam jong uta uba la khot ïa phi na ka jingdum sha kata ka jingshai baphylla jong u.
Lada ngi sngewthuh ba ngi dei ki khun jong U Blei, ngi dei na ka jaid bynriew ba khuid, na kata ka longïing jong ki lyngdoh ba kynja syiem, ngim dei ban ia kit lyngkor lem bad ki bym ngeit lane bad ka pyrthei.
2 KORINTH 6:14-15
[14] To wat long phi ki para bakit lyngkor lem bad ki bymngeit; namar ka hok ka don ka jingïalok aïu bad ka bymhok? bad ka jingshai ka don ka jingïasyllok aïu bad ka jingdum? [15] Bad U Khrist u don ka jingïadei aïu bad u Belial? lane u bangeit u don bynta aïu bad u bymngeit?
Ka jingkhot ka long, to ngin tip ba ngi long ki khun U Blei, kiba la thied noh ia ngi da ka dor bah ka snam U Jisu. Kumta ngim dei ban pyntngit ia lade.
Don ka jingkut jingmut.
Haba ngi lah tip uei ngi long, kumta ngi donkam pat ban don ka jingkut jingmut ba da lei lei ngan ym pyntngit ia lade, la ka long ha kano kano ka rukom ruh, kut jingmut ban pyndonburom ïa U Blei ha ka shongkha shongman, bad ïaibat ia kata ka jingkut jingmut jong phi bad ban ïai bat ïa ka jinglong khuid bad kyntang haduh kaba kut.
U Daniel u dei uwei na ki samla uba la bat skhem ïa ka jinglong khuid, um treh ban compromise la ha kaba rit ne bakhraw ruh.
Ha ka kitab U Daniel la ïathuh ïa ngi kumno ba la tyrwa ha U Daniel ïa kita ki jingbam syiem, hynrei U Daniel um treh, u kut jingmut triang ban ym bam ne dih ïa kita ki jingbam syiem.
Daniel 1:8, u la thmu ha la ka dohnud… ïa kata kaba u thmu, u kut jingmut triang ban ym pyntngit ïa lade.
Mut dur, shiphew sngi kynthih un bam tang da u ri bad ka um. Kita kiwei lehse katba u Daniel u dang bam kynslup ia uta u ri bad ka um, lehse kin ia peit bad rkhie sammut ia u, hynrei u Daniel um shym la pyrkhat aiu ki briew kin ong shaphang jong U, hynrei u kham pyrkhat aiu U Blei un ong ia u.
Kata ka long kaba kongsan, kum ki bangeit to ngin nym da pyrkhat aiu ka pyrthei kan kren ia ngi lada ngim im kumba im ma ki, lada ngim leh, lada ngim riam bad ngim bam kumba bam ma ki, hynrei to ngin kham pyrkhat aiu U Blei u kren shaphang jong ngi. Hallelujah!
Ka pyrthei, ki paralok ki lah ban tyrwa laiphew jaid, hynrei nud ban ong, em! Kano kano ka bymkhuid kam dei ban rung.
Ka jingsheptieng ïa U Trai.
Kawei pat, ka ban pynlah ïa ngi ban bat ïa ka jinglong khuid ka dei ka jingsheptieng Blei. = ‘tiengburom ïa U Blei.
Ka kitab Proberb ka ong haba ngi don ka jingsheptieng ia U Blei, ngi kiar bad ngi shun ia kaba sniew.
Proberb 8:13
“Ka jingsheptieng ïa U Trai long ban shun ïa ka basniew…”
Proberb 16:6
“...bad da ka jingsheptieng ïa U Trai, ki briew ki kynriah na ka basniew.”
U Joseph namar ba u sheptieng ïa U Blei, um treh ban leh ïa ka pop. Haba ka tnga U Potiphar ka la pynbor ïa u ban thiah bad ka, hynrei um shym la treh. U ong, kumno ngan leh ïa kane kaba sniew?
JENESIS 39:7-9 KHB
[7] Bad ka la jia hadien kine kiei kiei ruh, ba ka tnga u kynrad jong u ka la shat ïa la ki khmat ha u Joseph; bad ka la ong, “To thiah lem bad nga.” [8] Hynrei, u la kyrngah, bad u la ong ruh ha ka tnga u kynrad jong u, “Ha khmih, u kynrad jong nga um tip shaphang kaei kaei ruh kaba don bad nga ha ïing, bad ïa kiei kiei baroh u la buh ha ka kti jong nga; [9] uba kham halor ïa nga ha kane ka ïing ym don; bad um shym la khang ei ei ruh na nga, hynrei, tang ïa pha keiñ, naba pha long ka tnga jong u: kumno te nga lah ban leh ïa kane kaba bymman eh, bad ban leh pop pyrshah ïa U Blei?”
Ka jingsheptieng Blei kaba u don ka la ïarap ïa u ban ong, em ïa ka pop.
Para samla baieit, to ngin don kane ka jingsheptieng Blei ha ngi ba ngi lah ban bat ïa ka jinglong khuid.
Bun kam ha ka kam U Trai.
Katba lah, ïaleh ban pynbunkam ïalade ha ha ka kam U Blei. Ka jingpynbunkam ïa lade ha ka kam U Trai ka pyllait ïa ngi na kaba leh pop.
Ki briew kiba bun kam ha ka kam U Trai, kim da don por ban pyrkhat ïa ki kam jong ka pop. Amen
Bunsien u Soitan u ju wan ban pynshoi ha ka por ba ngi shu shong khlem kam. Shong marwei ha ïing, khlem kam khlem jam, shu peit kai ïa ka Internet, ïa kaei kaei, hadien poi sha ka bym dei.
e.g: David - u poi klim ïa ka Bathsheba namar ba u shu shong khlem kam ha kata ka por. Ah! Lada jin ba u leit sha ka thma, un nym jin da la ngop ha ka pop! 2 Sam. 11:1…
Same…My old story…
Kum ki samla, ngi donkam ban pynbunkam ïalade ha ka kam U Blei.
Quote: “U maw ba tyllun, um ju sop sohpailen”
1 TIMOTHI 4:12-13
¹²To wat ai ïano ïano ruh ban ibeiñ ïa ka jinglong samla jong me; hynrei, to men long ka rukom ïa kita kiba ngeit, ha ka ktien, ha ka jinglong jingim, ha ka jingieit, ha ka jingngeit, ha ka jinglong sngur. ¹³Tad ynda nga wan, to men minot ha kaba pule, ha kaba kyntu, ha kaba hikai.
Phet ïap na ka jingkwai brai.
Phet ïap kumba phi ïohi katei ka umsaw ka wan. Hap ban her, mareh.
Phet ïap = wat jan
Haba phi sngewthuh ba kane kan sa jop ïa nga, phet ïap kloi nangta, wat shong hajuh, namar lada ngi shong hajuh ngin nym lah ban lait.
Wat ïa kren slem bad u Soitan. Ka Im ka la ïa kren slem slem bha bad u Soitan, ha kaba kut kram ka hap ha ka jingriam jong u.
U Joseph um shym la ïa kren slem bad ka tnga u Potiphar, tang shiphang arphang, haba u sngewthuh bym ïa pei, u phet ïap bak, da kaba u la iehnoh syndon wat ïa ka ka jaiñkup! Jen.
JENESIS 39:10-12 KHB
[10] Bad ka la jia ruh, ba katba ka dem kren ha u Joseph ha la ka sngi, um pynshahshkor satia ïa ka ban thiah lem bad ka, lane ban long lem bad ka. [11] Ka la jia ruh, hamar kata ka por, ba u la leit sha ïing ban kam ïa la ka jingkam ïing; bad ym shym la don mano mano ruh em ha ïing na ki briew jong kata ka ïing. [12] Bad ka la kem bat ïa u na ka jaiñkup jong u, ka da ong, “To thiah lem bad nga:” u te u la iehnoh ïa la ka jaiñkup ha ka kti jong ka, bad u la phet noh soit, bad u la mih noh sha khyndew.
Jinghikai: Bunsien ki samla kim nud ban phet ïap namar ki tieng ïoh duh, ïa kaei re kaei.
Ngim dei ban sheptieng wat la ka dei ban duh ïa kaei re kaei. Kata ka dei ban long ha phi ruh ki samla jong U Trai.
U Apostol Paul u kyntu ïa u samla Timothy ban ong, to phet ïap. 2 Timothi 2:22
Don't entertain Satan, don't entertain sin! But flee away!
Kiar na ki paralok ba kynja pyrthei
1 Korinth 15:33, ka jinglong lok bad ki lok basniew ka pynpyut plak ïa ka akor babha…
Haba kiar ka mut wat ïa kyrsum than. Hooid ngi lah ban ïa kren ïa khana, hynrei ngi hap ban sngewthuh ïa ka limit. Lada phin shu ïa kyrsum bad ïai kyrsum ha kaba kut phin ngop.
Choose your friends wisely!
Ka bainong jong ka jingim khuid:
Ka jingshem sngewbha (favour) jong U Blei.
Ka jingiada bad jingsumar jong U Blei. e.g: Daniel
Ka jingkyntiew kyrdan. e.g: Daniel, Joseph.
Ban long ba la pyndonkam da U Blei. 2 Timothi 2:20, 21
Ban ïoh ïa ka bneng. Heb 12:14
U Blei un kyrkhu, Amen
Altar call:
Para samla baieit phi sngewthuh ba phi donkam ban ri khuid ïalade, hynrei bunsien phi ngop…
Phi kwah ban pyndonburom ïa U Blei ha ka shongkha shongman…
Etc…
Ngin duwai na ka bynta jong phi…
© Jester Mawlong | Aug 3, 2026
For Youth Week & Youth Sunday - Sohra
Comments
Post a Comment