U briew jong ka pop lane u mrad khlaw
Uei une u briew jong ka pop? U briew jong ka pop u dei u briew, uba ka jinglong jong u ka long kum u mrad, uba runar, ba bymman bad ia une u briew yn pyntreikam (influence) da u Soitan kumba la thoh ha ka kitab Jingpynpaw 13 lynnong. La tip ruh ia u kum u Khrist lamler, (ha ka ktien phareng ki ong 'Antichrist'. Kaba mut u ba u long mar pyrshah ia U Khrist. U Khrist u leh bha, u Khrist lamler u lehsniew, U Khrist u ialap ia kaba bha, u Khrist lamler un ialap ia kaba sniew, kat kaba u leh ka long mar pyrshah beit bad U Khrist). Ngin ia peit ia ka jingthmu jong u Paul haba u thoh shaphang utei u briew jong ka pop. Bad da kaba peit ia kane ngin iohi ruh kumno bad lano un mih uta u briew jong ka pop. [ Phi lah ban sngap ha YouTube da kaba click hangne ] Naduh ka por jong u Apostol Paul, Petros bad kiwei kiwei ka don kane ka jingklumar ne jingpynklumar shaphang ka jingwan U Trai (rapture) , shaphang ka jingsynshar u mrad khlaw bad shaphang ka jingwan jong U Trai b...