Ka jingkyrkhu jong ka jingkohnguh

Ka jingkyrkhu jong ka jingkohnguh      (The blessing of obedience)

Intro: Ka jingkohnguh ka dei kaba U Blei shem sngewbha haduh katta katta. Ngi ïohi ha ka Bible haba ki briew ki kohnguh, U Blei U ju kyrkhu ïa ki ha kiba bun syrtap. Ha baroh ki bynta, haba ngi kohnguh, kan don beit ka jingkyrkhu. E.g: Ki bangeit ïa ki nongialam, ki khun ha la ki kmie ki kpa, etc. U Blei u buh tyngkai ïa ka jingkyrkhu na ka bynta kiba kohnguh. Kham tam ka jing- kohnguh ïa U Blei bad ka jingkhot jong U.

Hynrei ka jingbymkohnguh pat ka long opposite ïa kata. Kata ka long ba U Blei um sngewbha bad haba U Blei um sngewbha ka jingeh kan long ïa kita ki briew, nga lah ban ong wat ka jingtim ka long ïa kita ki bymkohnguh.

Ngi ïohi naduh kaba mynnyngkong, haba ka Im bad u Adam kim shym la kohnguh, ka la pynsngewsih ïa U Blei, bad ka jingtim ruh ka la long ïa ki. Jen.3:1…

Nangta ngi ïohi shaphang u syiem Saul, u syiem uba lah da jied da U Blei, hynrei haba um lah ban kohnguh haduh bakut, u la shah kyntait noh. 1 Sam 15:1…

Dang bun kiwei pat, U Jonah, haba um shym la kohnguh, u la hap ban mad ïa ka eriong bad shah bret sha duriaw. Baroh ki bym shym kohnguh ki la hap ban mad ïa ki consequences bapher bapher ha ka jingim jong ki.

Ka long kaba donkam ba ngin pyrkhat, haba kiei kiei ki bym sngewtynnad ki wan jia ha ka jingim, ioh lehse ngim shym la kohnguh lut ha kaei ba U Blei U kwah ïa ngi ba ngin kohnguh.

To ngin ïa phai sha ka thong jong ka jingiakren “Ka jingkyrkhu jong ka jingkohnguh” (The blessing of obedience).

1. Ka wanrah ïa ka jingkyrkhu ha kiba bun bynta (Physically, materially, financially).

Nuksa na U Abraham: 

Ha U Abraham ngi ïohi, namar ka jingkohnguh jong u, U Blei U la kyrkhu ïa u ha kiei kiei baroh. Ngi ïohi shaphang ka jingkohnguh jong u, haba U Blei U ong, kñia noh ïa la u khun marwei jong me, da kaba sted u khreh ban leit kñia. Jen 22:1…

V.3 - U la khie dang step. Kane ka pyni ba kata ka jingkohnguh jong u haduh ba u lah lynga ban shai noh ka bneng, ban pyndep noh ïa kaei ba U Blei u ong ïa u.

U la leit 3 sngi lynti, ynda u la poi u la tei ka duwan, u la mut ban kñia… U Blei u la khot noh ïa u bad u la kular ban kyrkhu. V.15-18, me la kohnguh ïa ka ktien jong nga.

Ngi ïohi kumno U Blei U la kyrkhu ïa U Abraham, U Blei un kyrkhu kumta ruh ïa kita kiba kohnguh ïa U kine ki sngi. Amen

Ai kan long kumta ruh na ka bynta u shakri jong U Trai, bad ïa phi baroh kiba la kohnguh kham tam ïa ka jingkhot jong U Blei.

2. Ka wanrah ïa ka jingpynkyntiew (It brings promotion)

Nuksa na U Jisu:

Namar ba U Jisu u la kohnguh lut ha U Kpa, ngi ïohi kumno U Kpa u la kyrkhu ïa U Jisu U Khun jong U.

• La kyntiew ïa U 

• La ai ha U ka kyrteng kaba halor ki kyrteng baroh 

Text: Phil.2:5-11

U Blei un kyntiew ruh ïa phi kiba kohnguh ïa U, un pynlong ba ka kyrteng jong phi kan paw. Hallelujah 

Hooid ngam ong ba un ai ha ngi ka kyrteng kaba halor ki kyrteng baroh, hynrei la kumno kumno un kyntiew haduh ba ka kyrteng jong phi kan paw.

Kane ka la long ruh ha U Abraham… Jen 12:2, bad ngan pynlong na me ïa ka jaid bynriew kaba khraw, bad ngan kyrkhu ïa me, bad ngan pynkhraw ïa ka kyrteng jong me; me ruh men long ka jingkyrkhu: 

Nga lah ban ong, kiba bun bah ki shakri kiba ka kyrteng jong ki ka paw, dei namar ba ki la pynkohnguh ha ka jingkhot jong U Blei, lada kim pynkohnguh ha ka jingkhot jong U Blei, nga lah ban ong ba kin nym paw kumba paw, ka pyrthei kan nym bna ïa ka kyrteng jong ki. Wat ma nga ruh, ka kyrteng jong nga ka paw haduh katne ba ka paw mynta dei namar ba nga pynkohnguh ha ka jingkhot jong U Blei, lada ym dei kumta, uei u ban bna ïa nga, wat ma phi kiba don hangne phin nym tip shaphang ka kyrteng jong nga.

Kawei pat kaba ngi hap ban buh jingmut (keep in mind) ka long: Haba ngi kohnguh, ki challenges ruh ngin ïa kynduh. Peit naduh U Abraham, U Jisu, kiba ngi lah ïa kren shakhmat, kine baroh ki la ïa kynduh ïa ki challenges bapher bapher, nga lah ban ong, wat kiba eh bad kiba shyrkhei…hynrei haba ki iaineh ha kata ka jingpynkohnguh, ki la ïohi ïa ka burom jong U Blei. Hallelujah!

Kane kan long ruh na ka bynta jong phi kiba mut ban pynkohnguh lut ha U Blei, phi hap ban long ready to face the challenge.

U Jisu u mad ïa ka jingshah lehbeiñ, dei namar ba U kohnguh, u la hap ban mad wat ïa ka jingiap, dei namar ba U kohnguh. Pynban wat la u hap ban mad kat kata, hynrei ha kaba kut u la mad pat ïa ka jingkyrkhu kaba palat ban ïa kaei ba u mad.

To ngin ïoh mynsiem lyngba kane, lehse haba phi kohnguh ïa U Blei, phin mad ïa ki jingeh, jingshah kren beiñ, jingshah byrngem ruh, hynrei nga ong ïa phi, lada phin iaineh ban kohnguh ïa U Blei, kaba kut kan long ka jingkyrkhu. Hallelujah!

Kumta lada phi kwah ba U Blei un kyntiew ïa phi, la ka long ha ka jingpule, ministry, etc. jied ban kohnguh ïa U Blei bad ka Ktien jong U.

3. Ka pynlong ïa ngi ki paralok jong U Blei (It makes us a friends of God).

Kynmaw U Blei um sngewtynnad ban ïa long paralok bad ki bym kohnguh. Hynrei un ïa long paralok tang bad kita kiba kloi ban kohnguh.

Phai biang sha U Abraham -

Ïa U Abraham la tip ïa u kum u paralok jong U Blei, Balei? Dei namar ba u long uba kohnguh. 

Ngi ïohi shaphang ka jingkohnguh jong u, haba U Blei U ong, mih, u mih, haba U Blei u ong ai, u ai, haba U Blei U ong, kñia, u kñia. Kata ka dei ka jingkohnguh jong U Abraham. Jen. 12:1…; 22:1…

Bad kane ka jinglong bakohnguh, ka la pynioh ha u ïa ka nam kum u paralok jong U Blei.

Text: 2 Khro.20:7; Isaiah 41:8; Jakob 2:23

U Jisu u ong ïa ki synran, Ma phi, phi long ki lok jong nga, lada phi leh (kohnguh) kat kiba nga hukum ma nga ïa phi. ÏOANNIS 15:14

Puson shipor shaphang ka jingialong paralok (true friend). Mutdur lada phin ïoh long paralok tang bad kiba riewspah haduh katno phin kmen, phin ïoh shibun kiei kiei. Katno tam lei haba ngin ïoh ïa long paralok bad U Blei. Ka jingkyrkhu kaba ngam lah shuh ban dang batai. Hallelujah 

Jingkyntu: To ngin jied ban kohnguh ïa U Blei, no matter what!

4. Ka pynlong ba U Blei un shah shkor ïa ka jingduwai jong ngi.

Ha ka gospel U Ïoannis 15:7 u Jisu u ong, Lada phi ïaineh ha nga, bad ki ktien jong nga ki ïaineh ha phi, ïa kaei kaei ruh ba phi mon, phin pan, te kan long ïa phi. 

Lada ki ktien jong nga ki iaineh haphi. Kaba mut phi sumar, phi leh, phi kohnguh ïa ka ktien jong u. 

U Apostol Ïoannis ruh u ong, Bad lada ngi pan ïa kaei kaei ruh, ngi pdiang na u, naba ngi sumar ïa ki hukum jong u, bad ngi ïai-leh ïa kita kiei kiei ruh ba pynsngewbha ha khmat jong u.  1 ÏOANNIS 3:22

Lada ngi leh ïa kita kiei kiei kiba pynsngewbha ïa u. Kaei kaba U Blei U sngewbha? Ym don da kawei pat, lait na kaba kohnguh ïa ka ktien jong u. 

1 SAMUEL 15:22, Te u Samuel u la ong, “U Trai u sngewbha ma ha ki jingainguh thang bad ha ki jingkñia kumba ha kaba kohnguh ïa ka ktien U Trai? Ha khmih, kaba kohnguh ka kham bha ban ïa ka jingkñia, bad kaba shahshkor ban ïa ka khleiñ ki 'lang sohmoh.

Kane ka long ka jinghikai ha kane ka por. Nga ngeit U Blei U la kyrkhu ïa ngi lyngba kane ka jinghikai.

To ngin long kiba kohnguh. U Isaiah u ong, Kiba kohnguh kin bam ia ka jingbha jong ka ri.

U Blei un kyrkhu, Amen 

© Jester Mawlong | July 23, 2026