Intro: Ha kane ka por nga kwah ban ia peit katto katne halor kane ka phang, Kaei ba ngi dei ban leh hadien ba ngi la pdiang ia U Trai. Bad nga ngeit kane kan iarap ia ngi kumno ba ngin sngewthuh kaei kaba ngi dei ban leh.
1. THRANG IA KA KTIEN U BLEI
1 PETROS 2:1-2
¹Namar kata, haba la iehnoh ïa ka jingpynsniew baroh, bad ka jingshukor baroh, bad ki jingleh arsap, bad ki jingbishni, bad ki jingïakren sniew baroh, ²kum ki khunlung ba dang kha, to phin kwah hir hir ïa ka basngur ka dud kaba dei mynsiem, khnang ba phin ïoh san da ka sha ka jingpynim.
Haba ngi la kyllabamut, bad iehnoh ia ka pop, ki jingmlien basniew baroh, ngi donkam ban thrang bad sliang ia ka ktien jong U Blei.
U Petros u ong ba ngi dei ban long kum u Khunlung ba dang kha, ban thrang, ban sliang ia ka ktien jong U Blei.
Balei ngi dei ban thrang ia ka Ktien U Blei?
*** - Ba ngin ioh san. U bangeit u bym thrang ia ka Ktien U Blei un nym san, kam pher katno snem u lah ngeit, hynrei lada um thrang um sliang ia ka Ktien jong U Blei, un sah kumjuh.
*** - Ngi ju iohi don bun ki briew kiba lah ngeit da ki snem bad phew snem, hynrei ki bym san pat, ki sah kumjuh shi kumjuh, ka daw ka dei namar ba kim thrang ia ka Ktien U Blei. Lada ki thrang ia ka ktien jong U Blei nga ngeit kin san beit. Amen
Haba ngi thrang, ngi wad. E.g: Khunlung
U Apostol Paul u kyntu ia ki bangeit ha Kolossai ba ki dei ban thrang ban sliang ia ka Ktien U Blei haduh ba kan da dap ha ka dohnud jong ki.
KOLOSSAI 3:16
Ai ba ka ktien U Khrist kan shong kyrhai hapoh jong phi ha ka jingstad baroh; da kaba hikai bad da kaba ïasneng paralok ha ki salm, ha ki jingrwai bad ha ki jingkynud bakynja mynsiem, da kaba rwai da ka jingaiei ha ki dohnud jong phi sha U Blei.
U David u dei u briew uba don ka jingthrang bad ka jingieit ia ka Ktien U Trai. Ha ka SALM 19:10 u ong shaphang ka ktien jong U Blei ba Ki long ki ban kham ikwah ïa ki ban ïa ka ksiar, shisha keiñ, ban ïa shibun ka ksiar banylla: ki kham thiang ruh ban ïa ka ngap, bad ïa ka jingjaw ka rewngap.
Lada buh lang ia ka ksiar bad ka Ktien U Blei, u David u ong, nga kham i kwah ia ka Ktien U Blei. Kane ka pyni ia ka jingkheiñ kordor ka jong u David ia ka Ktien jong U Trai. Shuh shuh u ong ba ka Ktien jong U Trai ka kham thiang ban ia ka ngap (honey) lane ban ia kata ka jingjaw ka rewngap. Nga ngeit ngi la ju ioh mad ia ka ngap (honey) ha ka jingim jong ngi, bad ngi tip ba ka ngap ka long kaba thiang, kaba bang, hynrei ha u David u ong ba ka Ktien U Trai ka kham thiang ban ia ka ngap.
Ai ba ma ngi ruh kiba la pdiang ia U Trai ngin don kata ka jingkheiñ kordor ia ka Ktien jong U Blei, bad ba ngin don ka jingthiang bad ka jingbang ban pule bad puson ha ka. Amen
Haba ngi pule bad puson ha ka, kan don ka jingroi bad ka jingmanbha. SALM 1:3
2. IAID SHAPHRANG
Kaba ar kaba ngi hap ban leh, hadien ba ngi la pdiang ia U Trai ka long ban iaid shaphrang, ym ban sah ha juh. Bunsien ki briew haba ki la kyllabamut bad pdiang ia U Trai, ki lah shu sngew hun noh tang hangta, ki lah sngew biang (complete), kim kwah shuh ban iaid shaphrang. Hynrei ka Ktien jong U Blei ka pyni ba hadien ba ngi la pdiang ia U Trai, ngi dei ban iaid bad ban nang iaid shaphrang.
KOLOSSAI 2:6-7
⁶Namar kata, kumba phi la pdiang ïa U Khrist Jisu uba U Trai, kumta, to ïaid ha u; ⁷ba la pynsuh thied ïa phi bad ba la ïaitei ïa phi ha u, bad ba la pynneh skhem ïa phi ha ka jingngeit, kumba la hikai ïa phi keiñ, phi da roi kyrhai ha ka, da ka jingainguh.
Kane ka kren ba ngi dei ban nang san, nang san. HEBRU 6:1…
3. WAD IA KIEI KIEI KIBA HANENG
Hadien ba ngi la pdiang ia U Trai, ngi don kam ban wad ia kiei kiei kiba haneng. KOLOSSAI 3:1-4
Wad = Pynlut por
Pynlut por ha kiei kiei kiba kynja bneng, kiei kiei kiba kynja mynsiem.
Ngi im ha ki sngi ha kaba u Soitan u pynmyllen ia ki briew ban pynlut por ha kiei kiei ki bym myntoi, ha kiei kiei kiba kynja pyrthei. Hynrei ka jingkhot ia ngi kiba la ngeit bad pdiang ia U Jisu ka long ba ngi dei ban pynlut ha kiei kiei kiba kynja bneng, ha kiei kiei kiba kynja mynsiem. Hallelujah!
Ngim dei ban shong kli kti, hynrei ngi dei ban pynbunkam ia lade ha ka kam jong U Blei. Amen
Ka jingbunkam ha ka kam U Blei ka pynlong ba ngin ioh ia ka jingrongnoh. v.4
To U Blei un kyrkhu, Amen
La shah laitluid ban SHARE ia kane ka post, hynrei yn nym shah ban print ne pynmih ha kino kino ki jingthoh khlem ka permission.
© Jester Mawlong | 13 July, 2023
Comments
Post a Comment