Ka khyrdop bakhim :: Mt 7:13-14; Lk 13:24
U Jisu u khot ia ngi ban iaid na ka khyrdop bakhim bad lada ngi iaid na kane kan ialam ia ngi sha ka ban im (kaba mut sha bneng). Hynrei lada ngi iaid na ka lynti ba kylluid, kan ialam ia ngi sha ka jingiap (kaba mut sha dujok).
Ka mut aiu khyrdop bakhim?
Hato ka dei kaba khim, kaba rit shisha?
Em, U Jisu um mut ia kane literally ba ka da khim shisha, hynrei kane ka long ka jingkren ban draw ia ka attention jong ki briew ba kin sngewthuh bad ba kin tip ia kaei ba ki dei ban leh ba ki lah ban iaid lyngba ia kane ka khyrdop bakhim (lynti bneng).
1. Ka dawa ia ka jingpynleit jingmut
e.g: Haba iaid ia kano kano ka lynti kaba rit bad khim. i.e. ha riat eiei. Ka dawa ia ka jingpynleit jingmut kaba jur.
Dei namarkata ka daw u Apostol Paul u ong, da khmih bha kumno phi iaid… Eph 5:15
Man ba iaid hap pyrkhat, lada nga iaid kumne ka long ne em, lada nga iaid kumto pat ka long ne em. Kata ka dei ka jingmut.
Kiba iaid na ka lynti ba kylluid pat ka long kim donkam ban pyrkhat, ban pynleit jingmut, kat kaba ki sngew kwah ban leh, leh beit, kat kaba sngew kwah ban kren, kren beit, kat kaba sngew kwah ban bam ban dih, dih beit, etc.
Hynrei kiba iaid na ka lynti bneng pat kam long kumta hap ban da pyrkhat. Hato ka pynsngewbha ne em ia U Blei.
2. Ka dawa ia ka bor jong ngi
Ha ka gospel u Loukas 13:24 u ong, to pyneh ban bsut lyngba ka khyrdop ba khim. Ka don ka kyntien kaba ong 'pyneh' = haba pyneh ka mih ka bor…dei?
Phil 3:12…14… Paul said 'I PRESS'
Kam mut tang ba ngi lah ngeit, ngin nym mad jingeh shuh, ngi mad, hynrei hap ban pyneh, hap ban ialeh man ka sngi.
1 Tim 6:12 - FIGHT
Wat la ka doh ka thait hap ban ialeh - pyneh. e.g: U Paul, u hap ban ring mraw - 1 Kor 9:24-27
Note: U mraw wat ia kata kaba um mon u hap ban leh.
Ban leit jingiaseng, duwai, pule Bible, etc hap pyneh.
3. Ka dawa ia ka jingñiewduh ia kiei kiei baroh
Ban ñeiwduh lut ia kiei kiei baroh ki jong ka pyrthei bad ka doh.
Literally, ngim lah ban leit lyngba ia ka khyrdop bakhim ryngkat ki jingkit ba heh/khia.
Kumjuh ruh haba ngi iaid na kane ka lynti khim ba kynja mynsiem.
Ngi hap ban bret lut ia baroh kata kaba long ka jingpynwit bad ka jingkhanglad ia ngi ban iaid lyngba kane ka khyrdop. Lada ngi dang kwah ban kit lang bad kine, da lei lei ngin nym lah ban rung.
Heb 12:1-2
Jingpynwit - Kano kano ka jingkit bakhia, jingmut jingpyrkhat, ki jingkhuslai - sngewsih, ka jingbym sngewlong eiei. Bret lut sha U Jisu Mat 11:28
Ka hanga manga, ka jingshun - jingbishni, jingbymmap. Hap ban bret lut.
Ka pop - Kano kano ka pop kaba snoh ha ngi, hap ban bret lut, lada ngim bret ngim lah ban bsut lyngba kane ka khyrdop bakhim.
Eph 4:25, 31, Kol 3:8
Wat ia kita kiba ngi sngew ba ki long ka jingmyntoi ia ngi - Phil 3:7
4. Ka dawa ia ka jingiaishah
Iaishah = Iai don ha kata ka lynti la ka long katno katno por ruh.
= Iaineh haduh kaba kut. Mat 24:13
1 Kor 9:25 uwei pa uwei uba pyneh, u shah ia kiei kiei baroh…
5. Ka dawa ia ka jinglong babeit bahok
Haba ngi iaid ia ka lynti kaba khim, ngi hap ban iaid da pynbeit bha ia ka met ka phad jong ngi. Kumjuh ruh haba ngi iaid ia kane ka khyrdop bakhim, ka dawa ia kata ka jingim kaba la pynbeit ryntih bha…
Ngi donkam ban don barobar ia ka jinglong jingim bahok bad babeit ha khmat U Blei.
U Trai um sngewtynnad ia kano kano ka lynti kaba kynriang.
6. Ka dawa ia ka jingpynrit
Ban rung lyngba ka khyrdop bakhim, ngi donkam ban da pynrit katlah katiai, lymda kumta ngin nym lait ban rung, nga ngeit ngi sngewthuh ia kane lada ngin ia kren ia ka literally ruh.
Jingpynkut: To ngin iaid lyngba kane ka khyrdop ba khim da kaba: (1) Pynleit jingmut (2) Da ka bor (3) Da kaba ñeiwduh (4) Da ka jingiaishah (5) Da ka jinglong hok long beit (6) Da kaba pynrit.
U Blei un kyrkhu. Amen
© Jester Mawlong | May 31, 2024
La shah laitluid ban SHARE ia kane ka post, hynrei yn nym shah ban print ne pynmih ha kino kino ki jingthoh khlem ka permission.
Comments
Post a Comment