Kumno phin shem ia ka jingkhot jong U Blei sha ka music ministry?

Kumno phin shem ia ka jingkhot jong U Blei sha ka music ministry?

Ka jingshakri jong ka jingrwai jingtem ka long kaba kongsan bha ha ka Balang. Na ka por sha ka por ngi ju duwai ba U Blei un pynmih shuh shuh ki nongrwai nongtem ki ban iaroh bad mane ia U Blei. Lehse don napdeng jong phi ki samla phi kwah ban mih shakhmat ha kane ka jingshakri hynrei phim pat sngewthuh bad phim pat shem lad kumno ban leh. Kumta ha kane ka por nga kwah ban wanrah ia ka jinghikai, "Kumno ban shem ia ka jingkhot jong U Blei sha ka ministry jong ka jingrwai jingtem"

Kine ki steps ki dei kiba nga la iaid lyngba.

1. Don ka jingthrang: Ban shem ia ka jingkhot jong U Blei ka sdang da ka jingthrang ba U Blei un pyndonkam ia ngi na ka bynta ka burom jong U. Ka jingthrang ka pynlong ia ngi ban pyrkhat ban puson tang shaphang kata. Ngin ialeh ban thaw ki lad ki lynti ban poi shata. Kata ka dei kaba nyngkong.

2. Duwai ha U Blei na ka bynta ka jingiohipaw (vision): Hadien ba ngi don ka jingthrang, duwai ba U Blei un ialam ha kano ka bynta ba U Blei u kwah ia ngi ban don, worship leader, choir, guitar, bass, drums, keyboard, etc. 

3. Share ia kata ka jingiohipaw/vision ha ki briew ba phi lah ban shaniah: Ki briew ba lah ban shaniah ka mut ki briew ba lah ban ai mynsiem ia phi ban poi sha ka thong. 

Ynda haba U Blei u la pyni ia phi haei ban don, iathuh/share ia kata ha ki briew ba lah ban shaniah. Balei ba hap ban share tang ha kiba lah ban shaniah? Namar lada phin shu iathuh briew lut ki lah ban don ki ban pynnoh mynsiem ia phi, kumba long u Joseph, haba u la iohipaw u la iathuh ha ki hynmen bad ki hynmen jong u ki la rkhie beiñ pynban ia u. Kane ka lah ruh ban long ia ngi lada ngin shu share klumar, ha ka jaka ban ioh mynsiem, ngin duh mynsiem pynban. 

PROBERB 11:14

Ha ka bymdon ka jingïalam ka bastad u paidbah u kyllon: hynrei, ha ka jingbun ki nongpyrkhat ka jingskhem ka don.

PROBERB 15:22

Ha kaba ym don ka jingpyrkhat, ïa ki jingthmu la pynbuhkhoh: hynrei, ha ka jingbun ki nongpyrkhat la pynskhem ïa ki.

4. Ker tawiar ialade da ki briew kiba lah ban iatrei lang bad ka vision jong phi: Ngim lah ban shu im marwei hadien ba ngi la ioh ia ka jingiohipaw, ngi hap ban don barobor bad ki briew kiba lah ban iarap ia ngi ban poi sha ka thong jong kata ka jingiohipaw, ki briew kiba lah ban pyni lynti shuh shuh ia ngi, ki briew ki ban nang pynrhem shuh shuh ia kata ka ding ba don hapoh jong ngi. Ki ban iathuhkhana shaphang ka rwai ka tem, etc. Kata kan iarap ia ngi ba kata ka vision kan ym lip noh. 

Bun kiba don ka jingiohipaw, hynrei namar ba kim tip kumno ban leh, hadien katto katne kata ka vision ka shu jah la jah noh.

PROBERB 13:20

To ïaid bad ki briew ki bastad, to men long u bastad: hynrei, u lok jong ki babieit, un jynjar.

5. Long uba shah hikai: Shah hikai ka mut pdiang ia kano kano ka jingpyni, jingaijingmut, ne jingpynbeit. La ka long ha ka rwai ka tem ne ha ka rukom im etc. Kata ka long kaba donkam. Bun ki briew kiba lah poi haduh ka level ba 4, hynrei namar ba ki long ki bym shah hikai, ki shu sakma noh, kim lah ban iatrei lang. Kumta donkam ka dohnud ba shah hikai. 

Lada ngi shah hikai, ngin roi bad kiew sted. PROBERB 5:23 Un ïap noh ba u kyrduh jinghikai; bad ha ka jingkhraw ka jingbieit jong u un leit sakma noh.

6. Long la kloi ban shakri: Haba la train up ia ngi, long la kloi ban shakri, ioh ia ka dohnud jong U Jisu, u la wan ban shakri. 

MATHAÏOS 20:28

Kumba U Khun u briew um shym la wan ba yn shakri ïa u, hynrei, ba u un shakri, bad ba un ai ïa la ka jingim ban long ka jingsiewspah ïa kiba bun.

7. Wat lyndet noh ne ñiewbein ia kata ka jingai ba la ai ha phi: La ka long ha kano kano ka bynta, ngim dei ban ñiewbein. Don bun ki briew kiba U Blei u la ai ha ki ia ka jingai ban shakri ha ka music ministry, hynrei ynda ki la iaid la iaid ki sdang ban leh klet noh, leh kiar noh. Kata kam long ka lynti kaba dei.

U Paul u ong ia u Timothi, "Wat lyndet ïa kata ka jingai kaba ha me…" 1 TIMOTHI 4:14

Ngim dei ban lyndet noh, hynrei ngi hap ban long kiba iaineh ha kata kaba U Blei u la thung ia ngi. Ka jinglong ba iaineh bad ba lah ban shaniah ka long kaba donkam eh.

8. Iaibat ia ka jinglong jingim bakhuid bakyntang: Kaba khadduh bad kaba donkam haduh katta katta ka long ban iaibat/maintain ia ka jingim bakhuid bakyntang. 

(2 Timothy 2:19-21; 2 Corinthians 7:1)

La shah laitluid ban SHARE ia kane ka post, hynrei yn nym shah ban print ne pynmih ha kino kino ki jingthoh khlem ka permission.

Copyright © Jester Mawlong | July 29, 2024