Ngi la ju iohsngew, ngi la ju ia rwai bad ngi la ju ia shad ruh ia kane ka kyntien 'iaid ha ka jingshai'. Hynrei haduh katno ngi la sngewthuh ia ka jingmut jong ka.
Ban sngewthuh ia kane ka jingmut to ngin ia pule na ka shithi sha ki Nong EPHESOS 5:1-21
Ka heading jong katei ka lynnong bad dkhot ka long, 'IAID HA KA JINGSHAI'. Haba ngi pule hangne ngi iohi ia ki katto katne ki bynta kiba kynthup ha kata ka jingiaid ha ka jingshai.
1. Iaid ha ka jingieit - v.1-2.
Iaid ha ka jingshai, ka mut 'Iaid ha ka jingieit '. Kane ka jingieit kam dei satia tang na rmiang shyntur, hynrei ka dei kata ka jingieit kaba naduh ka dohnud, kata ka jingieit kaba kloi wat ban aiti ia la ka jingim na ka bynta kiwei pat lane para bangeit.
1 ÏOANNIS 3:18
Ko khun hep, wat ai ngin ïa-ieit tang da ka ktien hi, lymne da u thylliej; hynrei, ha ka jingleh bad ha ka jingshisha. (16-17)
ÏOANNIS 15:13
Ym don uba don ka jingieit kaba kham khraw ïa kane, ba uwei u aiti noh ïa la ka jingim na ka bynta ki lok jong u.
Ngi lah ban rwai, ngi lah ban shad hynrei lada ngi dang don pat kata ka jingisih, ka jingshun para bangeit ngi dang don ha ka jingdum.
1 IOANNIS 2:9-11
⁹Uta uba ong ba u don ha kata ka jingshai, bad uba shun pynban ïa u parabangeit jong u, u don ha kata ka jingdum haduh mynta. ¹⁰Jar uba ieit ïa la u parabangeit u ïaisah ha kata ka jingshai, bad ha u, ym don ka daw ka jingjynthut. ¹¹Hynrei, jar uba shun ïa la u parabangeit u don ha kata ka jingdum, bad u ïaid ruh ha kata ka jingdum, bad um tip shuh shaei u leit, naba kata ka jingdum ka la pynmatlah noh ïa ki khmat jong u.
2. Iaid ha ka jingkhuid - v.3-5.
Kata ka jingri-khuid ialade ka long haduh ba wat lada iathuh khana ki briew shaphang ka pop ruh ym treh shuh ban sngap, namar lada sngap bad lada iohsngew shi iohsngew ioh ba ngin kum ngop lang hangta. Lada ngi ngop kan pynlong ba ngin duh ia ka bneng.
v.5. kiba klim etc kin ym ioh ia ka hima U Blei. Cf. Jpw 21:27; 22:15
U nongrwai Salm u ong, "Wat ieng ha ka lynti ki nongpop, lymne wat shong ha ka jaka shong jong kiba rkhie beiñ". SALM 1:1
Ym dei shuh ban dang ia shang lem bad ki. v.7-9. U Paul u ong, mynshuwa te phi ia shang, phi ia mynjur lang, hynrei mynta phim dei shuh. Ngi hap ban ri khuid bad ban pynkyrpang ia lade.
3. Iaid ha ka lynti kaba pynsngewbha ia U Blei - v.10-14
Hap ban tynjuh barobor ia kaei ba ngi leh, ngi im, lane kata ka lynti jong nga hato kata ka pynsngewbha ne em ia U Blei. Khamtam ki Samla - ka riam ka beit, ka kren ka khana etc, ka pynsngewbha ne em ia U Blei. Ngi hap ban tynjuh.
Ngi donkam ban buh thong ha lade ba la kumno kumno ruh ngin pynsngewbha ia U Blei. Amen
U Paul u ong, So we make it our goal to please him, whether we are at home in the body or away from it. 2 COR 5:9 NIV
4. Iaid da phikir bha ha kiei kiei baroh - v.15-17
Ym ban shu iaid thurmur, iaid ruma, shu poi kat shaba lap ba shem kum ki briew ba bieit, hynrei ngi hap ban iaid kum kiba stad.
Kita kiba stad -
* Ki siewspah ia ka por
* Ki tip ruh kaei ka mon U Trai.
5. Iaid ha ka jingdap jong U Mynsiem - v.18-21
Don ki briew kiba kam ialade ba ki long ki khun ka jingshai, hynrei ki im pat kum kiba buaid waiñ/kyiad, sa tang ka jingkhynwin, ka jingiadait ia shrut etc. Hynrei ki khun jong ka jingshai kim long kumta, ki long jai (cool), ia ka jingim jong ki la control da U Mynsiem.
Ngi ia peit kaei ka jingmih na ka jingdap Mynsiem.
1. Ka jingdap Mynsiem ka pynkylla ia ka rukom kren khana jong ngi.
2. Ka jingdap Mynsiem ka pynkylla ia ka rukom mane jong ngi.
3. Ka jingdap Mynsiem ka pynlong ia ngi ba ngin nang ban ainguh ia U Trai ha kiei kiei baroh.
4. Ka jingdap Mynsiem ka pynlong ba ngin nang ban ia kohnguh paralok.
5. Ka jingdap Mynsiem ka pynlong ba ngin 'tieng burom ia U Blei.
Kane ka long ka jinghikai ha kane ka por.
U Blei un kyrkhu. Amen
Copyright © Jester Mawlong | Nov 13, 2022
Comments
Post a Comment