1 PETROS 1:1 ter ter
V.1-2. U Petros u thoh sha ki bangeit kiba la shah pynwir kylleng ki shnong…ban iathuh ha ki shaphang ka jingkordor jong ka jingaiei bad ka jingpynim jong U Blei.
Dei ia kane ka jingaiei ki nongiathuhlypa bad wat ki angel ruh ki kwah eh. Vs.10-12
V.3-5. U ainguh ia U Blei uba la pynioh ha ki bangeit ia ka jingaiei lyngba U Jisu Khrist.
U Ioannis ruh u thoh shaphang kane ka jingaiei u ong, Bad na ka jingdap jong U, ngi baroh ngi la ïoh pdiang, bad ka jingaiei kaba da kat ka jingaiei. ÏOANNIS 1:16
Ngi ioh ia ka jingpynim da ka jingaiei. Eph 2:8;
U apostol Petros u thoh ia kane ba ki bangeit kin sngewthuh ia ka jingkordor jong ka jingaiei bad ka jingpynim jong U Trai.
Haba ngi sngewthuh ia kane:
1. Kan pynlong ia ngi ba ngi lah ban shah shitom. V.6-7
U apostol Paul ruh haba u iohi ia kata ka jingkordor jong kata ka jingaiei u ong, Namar nga kheiñ ba kita ki jingshahshitom ki jong ka pyrthei sngi kaba mynta, kim long ei ei ruh em ban ïanujor bad kata ka burom ka ban sa pynpaw ha ngi. ROM 8:18
Ngi iohi ha KI KAM 16:16-40, U Paul bad U Silas ki la shah sympat, shah shoh namar ka gospel U Khrist, la set byndi ia ki, hynrei ha ïing byndi ki shad kmen, ki rwai iaroh ia U Trai. Ka daw ka dei namar ba ki iohi ia ka dor jong ka jingaiei U Trai.
Ki briew ki bym sngewthuh ia ka jingkordor jong ka jingaiei, kin nym lah ban shah haba ki ia kynduh ia ki jingeh jingtynjuh.
2. Kan pynlah ia ngi ban ieit ia U Trai wat la ngim pat iohi ia U ha ka doh. V.8
U Ioannis u ong, haba ngi ieit ia u bad iaineh ha kata ka jingieit jong U, ngin sa iohi ia U kumba U long hi. 1 IOANNIS 3:1-2
3. Ka pynlong ia ngi ba ngin long kiba Khan adkar. V.13
Khan adkar, ka mut ban im da sumar.
U Paul u ong khmih bha kumno phi iaid… Eph 5:15
U nongthoh sha ki Hebru pat u ong, Khmih bniah, ioh ba ngin ym kot sha kata ka jingaiei…HEB 12:15 wat ai ba u thied ka jingkthang un mih shluiñ…
4. Kan pynlong ia ngi ba ngi lah ban iai shah slem haduh ka jingwan U Trai. V.13
U Jakob u ong, to iai shah slem haduh ka jingwan U Trai…Jakob 5:7-8
Kumno ngi lah ban shah slem, dei haba ngi iohi ia ka jingkordor jong kata ka jingaiei.
Ki briew ha ka por jong u Petros namar ba kim sngewthuh ia ka jingkordor jong kata ka jingaiei, kim lah ban shah slem haduh ka jingwan U Trai, bun kiba artatien ruh shaphang ka jingwan U Trai. Hynrei u Petros u ong wat artatien.
5. Kan pynlong ia ngi ba ngi lah ban ri khuid ia lade. V.14-16
Pule - 2 PETROS 3:10-13; 1 ÏOANNIS 3:2-3
6. Ka pynlong ba ngin nang ban tieng burom ia U. v.17-21
Da kata ka jingtieng burom ia U Blei, ngi kiar na kano kano ka kynja ba sniew baroh. Pro 8:13
7. Ka pynlah ba ngin ia ieit para bangeit. v.22-25
Ka Bible ka hikai barobor ia ka jingiaieit para bangeit.
Ioannis 13:34; Rom 12:10
To U Blei un kyrkhu. Amen
Copyright © Jester Mawlong | Nov 17, 2022
Comments
Post a Comment