Skip to main content

Wat buh ia U Blei ha ka jingartatien


U Blei um ju sngewtynnad ia kano kano ka jingleh lane jinglong kaba ym ithuh shai, kaba arsap arphong, kaba pynartatien. U kwah ia ka jinglong jingim kaba beit shisyrtap. 

Kaba sngewsih ha kine ki sngi, ngi iohi ka rukom ngeit Blei, shakri Blei ka long ka bym da ithuh shai thikna, kata ka rukom ngeit Blei, shakri Blei kaba pynartatien wat ia U Blei, une u briew tip u lah ngeit ne um pat ngeit, teng teng i kum u bangeit, teng teng i kum u bymngeit, teng teng i shitrhem, teng teng i kumba u pjah sam sam.

Paralok baieit, to ngin nym buh ia U Blei ha ka jingartatien, namar ba U Blei um sngewtynnad bad un nym lah shah slem bad kiba ar syrtap.

Kawei na ka jinglong kaba pynartatien ia U Blei ka dei ka jinglong shit ruh em, khriat ruh em, kata ka jinglong Khristan kaba shu plem plem khlem don jingmad. U Blei un nym lah ban shah slem ia kaba kum kane ka jinglong. U kwah ba ngin shibeit shisur, lada shit ruh shit beit, lada pjah ruh pjah beit, ym ban ieng hapdeng. Ka jingshu ieng pdeng ka pynlong ia U Blei ban kynroi prie. 

JINGPYNPAW 3:14‭-‬16
“Bad ha uta u angel jong ka balang ha Laodikaïa to thoh: Ïa kine kiei kiei ruh u ong U Amen, U Nongphla U Baïaineh bad U Bashisha, ka jingsdang ka jingpynlong jong U Blei: “ ‘Nga ithuh keiñ ïa ki jingleh jong pha, ba pham long kaba khriat lymne kaba shit: A nga da kwah dik dik ba phan da long kaba khriat lane kaba shit! Kumta, naba pha long kaba shu syaid, khriat ruh em, shit ruh em, ngan sa prie noh ïa pha na ka shyntur jong nga.

U Blei u ong ia ka Balang ha Laodikaïa namar ba pha long kaba shit ruh em khriat ruh em, kumta ngan sa prie noh ia pha. U ksew lada u prie ruh, teng teng u dang bam biang ia ka ka jong ka prie, hynrei kynmaw lada U Blei u prie, un prie sha dujok ding bymjukut, bad hangta sa tang ka jingbabe bad jingkordit junom. Kumta ba U Blei un nym prie noh ia ngi, to ngin long kiba shitrhem ha ka mynsiem ban shakri ia U Trai.

U Apostol Paul ruh u kyntu ia ki bangeit ba kin long kiba shitrhem, ym ban man pjah ha ka jingshakri ia U Trai.

ROM 12:11
"ha ka jingleh minot, to wat long kiba alhia; kiba shitrhem ha ka mynsiem, kiba shakri ïa U Trai"  

U Jisu u iathuhlypa ba ha ki sngi bakhadduh, ka jingieit kiba bun kan man khriat (Mat 24:12), pynban to ngin nym long pat ma ngi kita ki nongpyndep jingthoh.

Nga duwai ba U Blei un pynshaitbor ia ngi, ba ngin nang lah ban shakri shitrhem ia U Trai haduh kaba kut.

U Blei un kyrkhu bad pynshaitbor ia phi. Amen

Nga pdiang sngewbha ruh ia kano kano ka jingai jingmut ne jingpynbeit ban pynbha shuh shuh ia ka jingthoh.

La shah laitluid ban SHARE ia kane ka post, hynrei yn nym shah ban print ne pynmih ha kino kino ki jingthoh khlem ka permission.

© Jester Mawlong | April 26, 2023 | 2:40 P.M

Comments

Post a Comment

Popular posts from this blog

Lai tylli ki bynta kiba ngi dei ban long kiba la khreh

Ka jingkhot sha ka jingim ba la khreh ka long kaba kyrkieh haduh katta katta ia ngi ki bangeit ha kine ki sngi ba khadduh. Kam dei shuh ka por ban dang shong thai, thiah thai, kam dei shuh ka por ban dang lehkai, hynrei ka lah dei ka por ba ngin long kiba la khreh. Ngin ia peit ha kane ka por ia ki lai tylli ki bynta ba ngi donkam ban long kiba la khreh. 1. Long kiba la khreh ban iashem bad U Trai:  Heb 10:37, "Uta uba wan un wan bad un ym pyntud" U Jisu da lade hi mynba u dang don ha kane ka pyrthei u ong ba ngan leit noh ban khreh ka jaka iaphi, bad u ong ynda nga la dep ban khreh ka jaka ngan sa wan pat ban shimti ia phi sha lade hi. ÏOANNIS 14:1-3.  Kumta u ong ia ki synran ba kin long kiba la khreh, bad um shym la iathuh lano un wan, u ong ia ki ba kin long kiba khreh. MATHAIOS 24:36-44; 45-51. U kren ruh ia ka pharshi ki shiphew ngut ki theisotti kum kata ka jingpynpyrkhat ia ki synran ba kin long kiba la khreh khnang ba haba un wan, kin ym shah iehnoh bad b
Post a Comment
Read more

Ka jingim kaba pynsngewbha ia U Blei

Ka Ktien U Blei ka khot ia ngi kumno ba ngin im ka jingim kaba pynsngewbha ia U Blei... 2 Cor 5:9 ialeh tyngeh ban pynsngewbha ia U Blei.  - Ai ba ngin don ka thong (goal) ban pynsngewbha ia U Blei. Eph 5:10...tynjuh kaei kaba pynsngewbha ia U Blei Kaei ka jingim kaba pynsngewbha ia U Blei? 1. Ka jingim kaba pyndem ia ka mon lade ha ka mon U Blei Nuksa na ka jingim U Jisu - Heb 10:7-8, Nga la wan ban leh ia ka mon jong Me ah U Blei... - U la pyndem lut ha ka mon jong U Blei U Kpa. - Phil 2:7-9, Wat la u long mar ryngkat bad U Blei...hynrei u la pynsuda, u la pynrit, u la pyndem lut ialade... - Mat 26:36-39 (v.37-39) - Ha kper Gethsemane u la duwai...long ka mon jong Me... Ha kane ka por u lah sngewthuh lypa kaba kumno ka jingeh bad ka jingshah lehbein kaba un ia kynduh, bad kaba kumno ka jingiap kaba u hap ban mad...pynban wat ha kaba kum kata ka por u ong "LONG KA MON JONG ME" Bunsien ka doh kam mon ban leh ia ka mon U Blei... Wat ki synran U Jisu ruh ki
Post a Comment
Read more

U Khristan kum u Dieng

Ha ka Bible la pynsyriem ia ki briew jong U Blei ne u Khristan bad u dieng. U dieng hangne kam mut satia uto u dieng lyngkhot ne u dieng iap, hynrei ka kren ia u dieng uba im ne u jingthung. Haba ngi pule ha ka Psalms 1:3 bad Jeremiah 17:8 ka iathuh shaphang u briew jong U Blei (bangeit) ba u long kum u dieng ba la thung harud ki wah um... Balei la pynsyriem ia u bangeit bad u dieng? Haba ngi peit bniah, ngi shem ba u bangeit bad u dieng ne jingthung ki don ia ka juh ka jingiashem, jingmad bad ka jingtreikam, etc. Kumba u dieng u hap ban mad ia ki saw aiom, ka tlang , ka lyiur , ka pyrem , ka synrai , kumta ruh u Khristan. U hap ban iaid lyngba ia shibun ki jingiashem iakynduh ha ka jingim, don ka por ba u mad ia ka jingtyrkhong (tlang) ha ka jingim, don ka por ba u hap mad ia ka por ba shit kyrang (lyiur) , don ka por ba u mad ia ka por basuk bakmen, ka por ba pyngngad (synrai) bad kumta ter ter. Um lah ban mad tang ka por bakmen basuk baroh shirta, u hap ban iaid lyngb
17 comments
Read more