Ka mynsiem u riew ialeh

Ka mynsiem u riew ialeh ka dei ka mynsiem ka bym ju pyndem ha khmat u nongshun. Bunsien phin shem u riew ialeh hi watla u shah lympat, u kyllon hynrei um ju shong sah hangta, hynrei wut wut un khie bad un ieng bad un bteng ia ka jingialeh.

U bangeit ruh u dei ban don ia kaba kum kata ka mynsiem, wat haba u la shah lympat, bad kyllon um dei ban thiah sah hangta, u dei ban ieng joit bad ban bteng ia ka jingialeh. Um dei ban shah rem!

Sngewsih bun ki bangeit haba ki la shah lympat ha u soitan bad ka pop, ki shah lympat ha ki jingeh, jingkhuslai jingjynjar, ki shong sah hangta da ki snem ki snem, kim lah ban ieng, teng teng haba la leit ban ai kti ba kin ieng ruh kim treh shuh ban ieng.

Lada phi dei uba kum kita, nga ong ïa phi ioh ïa ka mynsiem u riew ialeh, ban ym pyndem ha khmat u nongshun. Lada phi la kyllon shisien, ong ngan ieng biang mynta. Phim dei ban shah rem.

MIKAH 7:8

Wat leh risa pyrshah ïa nga, ko nongshun jong nga: haba nga kyllon, ngan ïeng; haba nga shong ha ka jingdum, U Trai un long ka jingshai ïa nga.

U nongthoh ki PROBERB 24:16 ruh u ong, naba hynñiew sien u hap u bahok, te u ïeng pat: hynrei, ïa u bymman la pynkyllon da ka jingjynjar.

Lada phi don ka mynsiem ban ialeh, phin nym kut lad. Lehse phi la shah lympat ha u soitan, ha ka pop, phi la shah lympat ha ki jingeh ba bun jaid, hynrei lada phi don ka mynsiem ban ialeh phin jop. Hallelujah

U Apostle Paul ruh u la mad shibun ki jingeh, hynrei um shem la give up, u la ialeh tyngeh bad u la jop.

2 KORINTH 4:9

la behbeiñ ïa ngi, hynrei, ym shym la iehnoh noh ïa ngi; la pynkyllon kram ïa ngi, hynrei, ym shym la pynjot noh ïa ngi;

Phi ruh phin jop lada phi mon ban ialeh.

Kumta ha kane ka por katba phi dang iohsngew ïa kane ka khubor, lada baroh shi katta phi la shu sngewhun ha kata ka jingshah jop, phi la thiah sah ha kata ka jaka ba phi kyllon, hynrei mynta ka dei ka por ban ieng joit.

U Blei un kyrkhu ïa phi. Iaid ha ka jingjop jong U Trai! Amen

La shah laitluid ban SHARE ia kane ka post, hynrei yn nym shah ban print ne pynmih ha kino kino ki jingthoh khlem ka permission.

Comments

Ka jingim kaba pynsngewbha ia U Blei

Ka Ktien U Blei ka khot ia ngi kumno ba ngin im ka jingim kaba pynsngewbha ia U Blei... 2 Cor 5:9 ialeh tyngeh ban pynsngewbha ia U Blei. - Ai ba ngin don ka thong (goal) ban pynsngewbha ia U Blei. Eph 5:10...tynjuh kaei kaba pynsngewbha ia U Blei Kaei ka jingim kaba pynsngewbha ia U Blei? 1. Ka jingim kaba pyndem ia ka mon lade ha ka mon U Blei Nuksa na ka jingim U Jisu - Heb 10:7-8, Nga la wan ban leh ia ka mon jong Me ah U Blei... - U la pyndem lut ha ka mon jong U Blei U Kpa. - Phil 2:7-9, Wat la u long mar ryngkat bad U Blei...hynrei u la pynsuda, u la pynrit, u la pyndem lut ialade... - Mat 26:36-39 (v.37-39) - Ha kper Gethsemane u la duwai...long ka mon jong Me... Ha kane ka por u lah sngewthuh lypa kaba kumno ka jingeh bad ka jingshah lehbein kaba un ia kynduh, bad kaba kumno ka jingiap kaba u hap ban mad...pynban wat ha kaba kum kata ka por u ong "LONG KA MON JONG ME" Bunsien ka doh kam mon ban leh ia ka mon U Blei... Wat ki synran U Jisu ruh ki...

U Khristan kum u Dieng

Ha ka Bible la pynsyriem ia ki briew jong U Blei ne u Khristan bad u dieng. U dieng hangne kam mut satia uto u dieng lyngkhot ne u dieng iap, hynrei ka kren ia u dieng uba im ne u jingthung. Haba ngi pule ha ka Psalms 1:3 bad Jeremiah 17:8 ka iathuh shaphang u briew jong U Blei (bangeit) ba u long kum u dieng ba la thung harud ki wah um... Balei la pynsyriem ia u bangeit bad u dieng? Haba ngi peit bniah, ngi shem ba u bangeit bad u dieng ne jingthung ki don ia ka juh ka jingiashem, jingmad bad ka jingtreikam, etc. Kumba u dieng u hap ban mad ia ki saw aiom, ka tlang , ka lyiur , ka pyrem , ka synrai , kumta ruh u Khristan. U hap ban iaid lyngba ia shibun ki jingiashem iakynduh ha ka jingim, don ka por ba u mad ia ka jingtyrkhong (tlang) ha ka jingim, don ka por ba u hap mad ia ka por ba shit kyrang (lyiur) , don ka por ba u mad ia ka por basuk bakmen, ka por ba pyngngad (synrai) bad kumta ter ter. Um lah ban mad tang ka por bakmen basuk baroh shirta, u hap ban iaid lyngb...

Lai tylli ki bynta kiba ngi dei ban long kiba la khreh

Ka jingkhot sha ka jingim ba la khreh ka long kaba kyrkieh haduh katta katta ia ngi ki bangeit ha kine ki sngi ba khadduh. Kam dei shuh ka por ban dang shong thai, thiah thai, kam dei shuh ka por ban dang lehkai, hynrei ka lah dei ka por ba ngin long kiba la khreh. Ngin ia peit ha kane ka por ia ki lai tylli ki bynta ba ngi donkam ban long kiba la khreh. 1. Long kiba la khreh ban iashem bad U Trai: Heb 10:37, "Uta uba wan un wan bad un ym pyntud" U Jisu da lade hi mynba u dang don ha kane ka pyrthei u ong ba ngan leit noh ban khreh ka jaka iaphi, bad u ong ynda nga la dep ban khreh ka jaka ngan sa wan pat ban shimti ia phi sha lade hi. ÏOANNIS 14:1-3. Kumta u ong ia ki synran ba kin long kiba la khreh, bad um shym la iathuh lano un wan, u ong ia ki ba kin long kiba khreh. MATHAIOS 24:36-44; 45-51. U kren ruh ia ka pharshi ki shiphew ngut ki theisotti kum kata ka jingpynpyrkhat ia ki synran ba kin long kiba la khreh khnang ba haba un wan, kin ym shah iehnoh bad b...

Jester Mawlong

Search This Blog