Kumno ban pynlong ia ka jingmane kaba tuid

INTRODUCTION:

Ka jingtuid jong ka jingmane ka dei kaba kongsan eh ha ki nongialam jingmane. Kumta man ba ngi ialam ia ka jingmane (praise and worship) ngi hap ban pyrkhat bha kumno ban pynlong ia ka jingmane kaba tuid bad kiei kiba ngi dei ban leh bad kiei kiba ngi dei ban kiar khnang ba ka jingmane jong ngi kan tuid (flow).

[Nalor ka jingim ba aiti lut, ka jinglong beit bad U Blei, ka jingim jong ka jingmane (shimet) bad kiwei pat kiba ngi dei ban leh kum ki nongialam jingmane, ngi donkam ruh ban pyrkhat kiei ki lad ban wanrah ne pynlong ia ka jingtuid jong ka jingmane]

Ka jingtuid ka kynthup naduh ka rukom ialam, tem, rwai bad ka jingtuid ha U Mynsiem Bakhuid.

Kumta to ngin ia peit – Kumno ban wanrah lane ban pynlong ia ka jingtuid jong ka jingmane.

WORSHIP LEADER

Nuksa: Pyrkhat ha ka dur jong ka jingkhawai - Mano ki ban wan sha kata ka jingkhawai? 

1. Kaba tei bad pyndonkam ia ki jingrwai (songs construction and use):

Buh jingmut lypa kumno phin sdang bad hangno phin kut bad pyrshang ban pynpoi hangta. Ka long thik kumba ialeh maw point – 1st stone, 2nd stone, 3rd stone etc etc.

Katba lah, sdang da ka invitation > thanks-giving > Praise > Worship > etc

[Ka ba ngi hap ban kynmaw > Praise = about Him; Worship = to Him; not about Us/We/I] 

Wat nym rwai bun than ki jingrwai bym pat nang ne kiba thymmai. Ngi hap ban kynmaw ba ki nongrwai nongtem ki kham nang bad lah kloi ia ki jingrwai bun shah ban ia ka jingiaseng, kumta lada ngi buh shibun ki jingrwai thymmai ki bym pat da ia lah lang kan khanglad noh ia ka jingtuid jong ka jingmane bad kata ka jingmane kan kylla long pynban ka por hikai jingrwai. Kumta pyndonkam khambun ki jingrwai ba ka jingiaseng ka ia lah lang ban rwai.

(Jingai-jingmut – Kawei ka jingrwai thymmai, ha kawei ka worship set)

 

2. Lah lyndet ia ki jingrwai (Memorize the song):

Ban lah lyndet ia ki jingrwai jingtem (Lyrics + Chords) ka long kaba kongsan eh ia ki Musicians. Ka jinglah lyndet ka iarap ia ngi ba ngi lah ban pynleit jingmut ha ka jingmane bad ruh ngi lah ban ialam khambha bad ban tuid (flow) ha U Mynsiem.

3. Theme

Kumba long u nongkren, kumta ruh u nongialam jingmane. U nongkren um lah ban kren khleh ki theme ne subject ha ka juh ka por, kumta ruh ki nongialam jingmane kim lah ban rwai khleh lang ki theme ha ka juh ka worship set. Hap ban duwai kaei ka theme ba U Blei u kwah ban rwai ha kane ka Sunday ne jingiaseng.

4. Key

Lada ngi kwah ba ka jingmane kan tuid, ngi hap ban jied bad rwai barabor ha u key ba baroh ki ia lah lang ban rwai (not too high/low).

Ngi hap ban kynmaw ba ym baroh ki lah ban rwai ia u key jong U Chris Tomlin lane jong kito ki nongrwai ba syiang ryndang (high pitch). Nalor kata, ngi hap ban sngewthuh ruh ba ka Balang ka dei ka multi-generations, kumta ngi hap ban pyrkhat bad ban rwai ia u key ba ka jingiaseng baroh kawei ka lah ban rwai lang – khnang ba kin ym sngewthiat, bad ban ym da pyneh jubor. 

Teng teng ynda ki lah shu pyneh jubor, lap noh ka jingthait kumta kim kwah ban rwai shuh, kin sa shu sngap noh, bad kumta ka worship ka shu kut noh khlem poi shaei shaei. Kata ka long kaei ba ngi mad (experience).

5. Ka jingsted jingsuki (Tempo):

Ialeh ban bat ia ka tempo katkum ka jinglong jong kata ka jingrwai ba phi rwai. Ngim lah ban rwai up/down tempo. 

Kane ka donkam lang jong baroh ki nongtem, khamtam u drummer.

6. Kaba pyniasoh ia ki jingrwai (Transitioning):

Kane ruh ka long kaba donkam ban wanrah ia ka jingtuid jong ka jingmane. Ngi hap ban pyrkhat bha kumno ngi pyniasnoh ia kawei ka jingrwai hadien kawei pat. Ngim lah ban rwai ia ka jingrwai kaba suki bad sa sted kynsan ha kawei pat ka jingrwai, lane na kaba low sa high kynsan lane vice versa. Ka dei ban don ka jingtuid bad ka jingsngewtynnad na kawei ka jingrwai sha kawei pat.

7. Dynamics

Kane ka donkam lang ia ki nongialam jingrwai kumjuh ki nongtem – baroh ngi dei ban sngewthuh bha ia ka dynamic.

Ngim lah ban rwai sah ha kajuh ka level jong ka rukom rwai ne tem naduh basdang rwai haduh ban dankut, lada ngin rwai ne tem sah ha ka juh ka rukom ne level, kata ka worship set kan shu kut ha ka jingbtai, kan nym tuid satia. Kumta ngi hap ban pyrkhat bha ia kane ka bynta. 

8. Ad-lib

Kane ka dei ka jingkren ia ki kyntien ban pynkhih ia ki briew ha ka por ba ialam ia ka jingmane/jingrwai ba kin rwai, kin mane bad kumta ter ter. Kam dei kaba la plan lypa, hynrei kaba shu mih hangto hangto. Tangba ym dei ban bun ktien palat lane ban lait noh ka timing jong ka jingrwai.

Kane ka iarap ban rah ia ka jingmane lada nang ban leh ia ka ha kata ka rukom kat ban biang.

9. Sensitivity

Ngi donkam ban don ka jinglah ban sngewthuh biang biang, la ka long ia ka jingrwai, jingtem, ka mode jong ka jingmane, ka por bad khamtam ia ka jingialam U Mynsiem Bakhuid, etc.

TEAM MEMBERS

1. Harmony/Blending

Ialeh ban tem ha kata ka rukom ba kan don ka jingiatuid lang jong ki jingtem, (Guitar, Bass, Drum etc), ngim lah ban ia tem la ka jong ka jong ka rukom. Dei ban don ka Blending ha ki rukom tem baroh.

Ym dei ban pyrkhat tang ia la ka jong ka jingtem ne jingsngewtynnad. Long la kloi ban kñia ia la ka jong ka jingkwah ne interest, khnang ban don ka jingiatuid lang (blend) hapdeng ka team.

2. Team Work/Team Spirit

E.g. Football

1) Ka thong (goal)

2) Ka jingiatrei shitom lang (da ka jingieit bad jinglong kawei – kam pher lada ioh nam mano mano ruh)

3) Ka jingiatuid lang kat shaba ka ball ka iaid…

Kohnguh kaei kaba u coach u ong (no matter what), la u buh ha kano kano ka position ne u phah shong noh ruh.

Kumjuh kadei ruh ban long ha ka Worship team - 

Copyright © Jester Mawlong | March 9, 2022