Haba ngi pyrkhat na ka bynta ka jingtuid ha ka jingmane, ka long kaba donkam ban pyrkhat kiei kiba lah ban pynwit (distract) ia ki briew ban mane ia U Trai bad ban shim ia ki sienjam bad ban thaw lad ban weng ia ki jingpynwit ia ki.
To ngin ia peit ia ki katto katne kiba lah ban pynwit ne khanglad ia ka jingmane:
1. Ka jingbymshisha
Ka jingialam ia ka jingmane ka dei ban long na ka jingkyrsoi ka dohnud. Ngim lah ban shu leh pluh mynsiem tang na jrong na sla, lada ngi leh kumta ki bangeit kin ithuh bad kumta kin shu sammut pynban ha ka jaka ba kin ngam ha ka jingmane. Ngi hap ban pyrkhat bha ia kaei kaba ngi ialam. Dei namar kata ka daw ngi hap ban pynkhreh bha, ban duwai bad wad ia ka jingialam jong U Blei. Ngim lah ruh ban im ha stage da kumwei ha bar da kumwei, kane ruh kan long ka jingkhanglad ia ka jingmane.
2. Ka jingkhih palat (Excessive movement)
Kane ruh ka long kawei ka ba pynwit ia ka jingtuid jong ki briew ha ka jingmane. Ynda haba ka rukom khih met jong ngi kam iahap shuh bad ka mode jong ka jingiaseng, ha ka jaka ba kin pynleit jingmut ha ka jingmane, kin i thamula pynban ia kata ka rukom khih met jong ki.
3. Ki key bym lah ban ia rwai lang (Unfriendly keys)
Ka jingrwai ia u key ba ka jingiaseng kam lah shuh ban bud ka long kawei na ki daw ban khanglad noh ia ka jingtuid jong ka jingmane. Bunsien ngi pyrkhat, balei ki bangeit kim rwai ne kim tuid? Hynrei ka daw dei namar ba ngim nang ban jied ia u key, ngi lah rwai sha palat u pud ki bangeit.
Kumta ngi hap ban pyrkhat bad ban rwai ia u key ba ka jingiaseng baroh kawei ka lah ban rwai lang – khnang ba kin ym sngewthiat, bad ban ym da pyneh jubor.
4. Bun palat ki jingrwai bym pat nang lang (Too many unfamiliar songs)
Ki nongrwai nongtem ki kham nang bad lah kloi ia ki jingrwai bun shah ban ia kiba bun ki bangeit lane ka jingiaseng – hynrei lada ngi buh bun palat ki jingrwai thymmai ki bym pat da ia lah lang kan khanglad noh ia ka jingtuid, kumta kan pynlong ia ki bangeit tang kum ki nongpeitkai ym kum ki nongmane, lane kata ka jingmane kan kylla long pynban ka por hikai jingrwai. Kumta ialeh ban pyndonkam khambun ki jingrwai ba ka jingiaseng ka ialah lang.
N.B: Hikai shuwa ia ki jingrwai ba thymmai, ynda ki lah kham lah, sa rwai pat next ha ka por jingmane.
5. Ka jingiaid music palat (Long instrumental breaks/solos)
Haba ka jingiaid music/lead etc, ka lah slem palat kan pynlong ia ki briew ba kin sakma noh na ka jingmane. Ki hap ban shu peit kai shane shatai, bad kane kan shim por ia ki bangeit ban tuid, namar kan long kumba ngin hap ialam biang ia ki naduh ba sdang. Kumta ngi hap ban nang ban pyndonkam ia kane ka bynta.
6. Kren ne duwai slem palat (Talking/praying for too long)
Ka jingkren slem ne duwai slem palat ruh ka khanglad noh ia ka jingtuid jong ka jingmane – kumta hap ban kren tiak-tiak tang kaba dei ban pynkhih ia ka jingiaseng. Donkam eh ka jingstad bad ka jingialam U Mynsiem Bakhuid.
7. Kaba bakla bad jingbymbiang ka jingpyni ia ki kyntien/lyric
Teng teng lada ka rukom pyni (project) ia ki kyntien/lyrics ka bakla, E.g: Ha ka jaka, "You are my peace" ka mih ban “You are my piece”, ha ka jaka "Come Holy Spirit" ngi ai “Come Holy Sprite” etc. Kane kan pynlong ba ki bangeit kin sam rkhie pynban bad kan khanglad noh ia ka jingtuid jong ka jingmane. Kumta peit bha (check) ia ki kyntien shuwa ban pyni lane project ha ka screen.
8. Ka jingbymbiang ka rukom phong jaiñ (Inappropriate clothes)
Ka jingphong jaiñ lane ka riam ka beit ruh ka long kawei kaba ngi hap ban pyrkhat kum ki nongialam jingmane, khnang ba kan nym long ka jingkhanglad ia kiwei ban mane ia U Blei.
Bunsien lada ka jingphong jaiñ kam i iahap shuh (khamtam ki kynthei), tight palat ne jyndong palat, lane i kynja pyrthei, kan pynlong ba ki briew kin ym sngewtynnad bad kane kan khanglad shisha ia ka jingtuid jong ka jingmane. Kumta hap ban peit bha ba ka rukom riam jong ngi kan long itynnad bad donburom.
9. Ka jingtem ia ki chord/beat/pattern bymdei ne bym iahap (Playing wrong / different chords)
Ka jingbym lah lyndet ia ki chord, ka jingtem la ka jong ka style, beat ne pattern, ka
10. Ka jingbym pynbeit (tune) bha ia ki tiar put tiar tem (Instruments not tuned)
Ka jingbym beit bha ka tune, khamtam Guitar, Bass bad kiwei pat ki jingtem ksai, kan wanrah ia ka jingbym sngewtynnad ha ka jingmane, bad kan pynlong ban nym tuid satia.
Sngewbha ban buh jingkynmaw – Tang uwei u string un flat (out-of-tune), ka la biang ban wanrah/pynmih ia ka jingsawa bym sngewtynnad bad ka ban pynwit ia ka jingmane baroh kawei… kumta pynbeit bha (tune) ia ki jingtem jong phi shuwa ka por.
11. Ka jingrwai shabar na ka pitch (Singing off-pitch)
Ka jingrwai shabar na ka pitch ka long kaba sniew haduh katta katta – bad kane ruh ka wanrah ia ka jingkhanglad ia ka jingmane.
Ban rwai bha ha u key badei ka long kaba kham donkam ban ia kaba phi rwai style. Kumta ngi hap ban long sensitive bha ha kaba iadei bad kane ka bynta.
12. Ka jingjam (loud) palat ka sound/ki jingput jingtem
Ka jingjam palat (too loud) ka sound ne jingput jingtem ruh ka pynlong ia ka jingmane ban ym tuid. Teng teng haba ka jingtem ka lah jam palat, haduh ba ym sngewthuh shuh ia kaei ba la rwai ne tem ruh, bad kane ka pynwit pynban ia ka jingmane. Kumta ngi hap ban adjust ia ka sound ne jingput jingtem ha kata ka rukom ba kan sngewtynnad ia kiba iohsngew ne ka jingiaseng.
13. Ka jingbym don ka blending,
Guitar bad Bass, lehse bad ka Drum etc kam ia dei (Blend)
Ban sngewthuh ia ka blending ka long kaba donkam bha ia ki nongrwai nongtem, namar lada ka jingtem kam iahap kawei na kawei pat, kan pynlong ia ka jingmane ban ym tuid. Kumta ngi hap ban sngapthuh bha la ka jingtem jong nga ka iahap na em bad ka jong utai, ka volume jong nga ka ia blend ne em bad ka volume jong utai, etc. Da kaba leh kumta kan iarap ba ka jingmane kan tuid.
Jingpynkut: Haba ngi iohi ne sngewthuh ba ka jingmane kam tuid, ngi donkam ban pyrkhat bad khmih bha ioh ba dei na kitei ki daw ba la ong haneng kaba pynlong ban ym tuid, ngi hap ban ialeh (manage) katba lah ban kiar bad ban lait na ka jingpynwit (distraction) jong ka jingmane.
U Blei un kyrkhu.
© Copyright Jester Mawlong | March 10, 2022
Comments
Post a Comment