Jester Mawlong

Ka bakut ka doh baroh ka la wan ha khmat jong nga JENESIS 6:11-13 ¹¹Hynrei, ka khyndew ka la pyut sniew ha khmat U Blei, bad la pyndap ruh ïa ka pyrthei da ka jingleh-jubor. ¹²Te U Blei u la khmih ïa ka pyrthei, bad, ha khmih ruh, ka la pyut sniew; naba ka doh baroh ka la lah pynpyut plak ïa la ka lynti ha ka pyrthei. ¹³Bad U Blei u la ong ha u Noah, “Ka bakut ka doh baroh ka la wan ha khmat jong nga; naba da ki keiñ la pyndap ïa ka pyrthei da ka jingleh-jubor; bad ha khmih ruh, ngan pynjot noh ïa ki lem bad ka khyndew.  Kane ka dei ka jingkren jong U Blei ha ka por u Noah. Kaei kaba la pynlong ia U Blei ban kren ia kine ki ktien? Ka dei namar ka jingbymman jong ki briew, ka jinglong ba pyut plak jong ka pateng bynriew, ka jingleh bymsuidñiew bad ka jingbym sheptieng shuh ia U Blei. JENESIS 6:5‭-‬7 Te U Trai u la ïohi ba ka jingleh bymman jong u briew ka la khraw eh ha ka pyrthei, bad ba ka jingthmu baroh ki jingpyrkhat ka dohnud jong u ki la long bymman ha la ka sngi. Bad

KA JINGPYNBAPTIS 1. Ka jingpynbaptis ka dei kaba la thung (ordained)  ne hukum da U Jisu Khrist. MATHAÏOS 28:19-20 "...namar kata keiñ, to khie da leit noh ma phi, to pynlong synran ïa ki bynriew baroh, da pynbaptis ïa ki ha ka kyrteng ka jong U Kpa, bad ka jong U Khun, bad ka jong U Mynsiem Bakhuid." U Jisu haba u phah ia ki synran, ban ïalap, u ong ruh ia ki ba kin da pynbaptis . Na kane ka dkhot ngi sngewthuh ba ka jingpynbaptis ka dei kaba la thung (ordained)  ne hukum da U Jisu Khrist. 2. Kumno yn pynbaptis? 1) Da kaba pynngam ha ka um.  Ka ktien pynbaptis ka wan na ka ktien tynrai jong ka Greek " Baptizo " kaba mut ban wieh (dip) , lane ban pynngam (immerse). Rom 6:4 Namar kata keiñ, la btep lem ïa ngi bad u, da ka jingpynbaptis ha kata ka jingïap jong u: ba kat kumba la pynmih pat ïa U Khrist na ki baïap, da ka burom ka jong U Kpa, kumta ba ngi ruh, ngin ïa-ïaid ha ka jingthymmai ka jingim. Ka jingpynngam ha ka um jong ka jingpynbaptis ka iasyri

Ka jubab halor ka jingkylli na ka Gospel U MATHAIOS 7:21-23 MATHAÏOS 7:21‭-‬23 “Ym u briew baroh uba ong ha nga, ‘A Trai, A Trai’, u ban ïoh leit hapoh ka hima ki bneng; hynrei, uta keiñ uba leh ïa ka mon U Kpa jong nga uba ha bneng. Shibun kin ïa-ong ha nga ha kata ka sngi, ‘A Trai, A Trai, ngi ngim shym la ïalap ha ka kyrteng jong me? Ngi ngim shym la beh noh ïa ki ksuid ha ka kyrteng jong me? Ngi ngim shym la leh shibun ki kambah ruh ha ka kyrteng jong me?’ Ynda kumta te, nga ruh ngan ong pyrshah ha ki: Ngam ju la ithuh ïa phi; khie leit noh na nga, phi kiba ju trei bymman. 1. Balei kine ki briew kim ioh ban leit hapoh ka hima ki bneng? Namar ba kim shym la leh ia ka mon U kpa ba ha bneng, ki shaniah ia ka jingpynim ha ki jingleh jong ki. Kaei ba ki ong, ka long tang na rmiang shyntur, katba ka dohnud jong ki ka jngai noh na U Trai. MARKOS 7:6 U la ïathuh te ha ki, “Ka dei kaba u Isaïah u la ïathuhlypa shaphang jong phi kiba arsap, kumba la thoh: “ ‘Kine ki briew ki buro

Kaei ka jingkylla kaba mut? Ka jingkylla kaba mut ka dei kata ka jingkylla jong ka jingmut ne ka rukom pyrkhat, kaba ialam sha ka jingkylla ka dohnud, bad kaba ialam ruh sha ka jingkylla ka rukom leh (action) . Ka wan na ka ktien tynrai jong ka Greek " metanoeō ". Kaba mut ban sngewthuh ba ka lynti jong ngi ka bakla, bad ka lynti jong U Blei kaba dei.  Ka dei ruh kata ka jingsngewsih ba riewblei namar ka pop ba la leh bad phai noh sha U Blei. 2 Kor 7:9 Ia kane ngin iohi ia ka nuksa na u khun sarong-awria. Loukas 15:11-32 Haba ngi pule ha ka Bible ngi iohi na ka pateng bynriew sha kawei pat, U Blei u khot ia ki briew ba kin kylla kaba mut. 1. Balei ba donkam ban kylla kaba mut? 1) Ka dei ka hukum U Blei. U Blei u hukum ia ki briew baroh kylleng la kylleng ban kylla-ka-bamut. KI KAM 17:30 U Blei, namar kata, u la leh kum bym khmih ïa ki aïom ka jingbymtip, hynrei, mynta, u hukum ïa ki briew baroh kylleng la kylleng ban kylla ka bamut. Balei U Blei u hukum ba ngin ky

U Blei u hukum ïa ki briew baroh kylleng la kylleng ban kylla ka bamut  KI KAM 17:30-31 "³⁰U Blei, namar kata, u la leh kum bym khmih ïa ki aïom ka jingbymtip, hynrei, mynta, u hukum ïa ki briew baroh kylleng la kylleng ban kylla ka bamut; ³¹naba u la buh ka sngi ha kaba un sa bishar ïa ka pyrthei ha ka hok da uta u briew ïa uba u la thung; shaphang kata, u la ai ka jingpynskhem ha ki briew baroh, da kaba u la pynmih pat ïa u na ki baïap.” Click ia kane ka link na ka bynta ka jinghikai ha ka audio lyngba ka YouTube Shuwa ban iaid shaphrang nga kwah ba phin tip, ka mut aiu kylla bamut lane kaei ka jingkylla kaba mut? Ka jingkylla kaba mut ka dei kata ka jingkylla jong ka jingmut ne ka rukom pyrkhat, kaba ialam sha ka jingkylla ka dohnud, bad kaba ialam ruh sha ka jingkylla ka rukom leh (action) . Ka dei ruh kata ka jingsngewsih ba riewblei namar ka pop ba la leh bad phai noh sha U Blei.  Ka Bible ka ong U Blei u leh kum bym khmih ia ki aiom ka jingbymtip.  Kaei kane ka a

U Jisu u kren ia kane, ba kita kiba iam mynta kin long kiba suk bad kin sa rkhie da ka jingkmen bymjukut. Hynrei kita kiba rkhie mynta kin sa iam da ka jingkordit bad ka jingbabe bymjukut. Lehse phi lah ban pyrkhat kumno tang shu rkhie lane shu iam ka lah ban long kumta? Katkum kaei ba U Jisu u ong, ka lah ban long.  LOUKAS 6:21b‭, ‬25b “Suk ma phi kiba ïam mynta; naba phin rkhie. “Kordit ïa phi, kiba rkhie mynta! naba phin sngewsih bad phin ïam de. To ngin ia peit: 1. Suk kiba iam mynta; naba kin sa rkhie:  Lehse phi lah ban pyrkhat, kaba kumno kane ka jingiam ka ban ioh ia ka jingrkhie pat hadien? Kane ka dei kata ka jingiam da ka jingkylla bamut ha khmat U Blei namar ki pop ba la leh. Ka dei kata ka jingsngewsih ba riewblei namar ka pop. 2 KORINTH 7:10 Namar kata ka jingsngewsih bariewblei ka pynlong ka jingkylla-ka-bamut sha ka jingpynim ka bymbabe shuh; hynrei, ka jingsngewsih ka jong ka pyrthei ka pynlong ka jingïap. Lada ngi sngewsih namar ka pop kaba ngi la leh, U B