Ka jubab halor ka jingkylli na ka Gospel U MATHAIOS 7.21-23

Ka jubab halor ka jingkylli na ka Gospel U MATHAIOS 7:21-23

MATHAÏOS 7:21‭-‬23

“Ym u briew baroh uba ong ha nga, ‘A Trai, A Trai’, u ban ïoh leit hapoh ka hima ki bneng; hynrei, uta keiñ uba leh ïa ka mon U Kpa jong nga uba ha bneng. Shibun kin ïa-ong ha nga ha kata ka sngi, ‘A Trai, A Trai, ngi ngim shym la ïalap ha ka kyrteng jong me? Ngi ngim shym la beh noh ïa ki ksuid ha ka kyrteng jong me? Ngi ngim shym la leh shibun ki kambah ruh ha ka kyrteng jong me?’ Ynda kumta te, nga ruh ngan ong pyrshah ha ki: Ngam ju la ithuh ïa phi; khie leit noh na nga, phi kiba ju trei bymman.

1. Balei kine ki briew kim ioh ban leit hapoh ka hima ki bneng?

Namar ba kim shym la leh ia ka mon U kpa ba ha bneng, ki shaniah ia ka jingpynim ha ki jingleh jong ki. Kaei ba ki ong, ka long tang na rmiang shyntur, katba ka dohnud jong ki ka jngai noh na U Trai.

MARKOS 7:6

U la ïathuh te ha ki, “Ka dei kaba u Isaïah u la ïathuhlypa shaphang jong phi kiba arsap, kumba la thoh: “ ‘Kine ki briew ki burom ïa nga da la ki rmiang shyntur, hynrei, ka dohnud jong ki te ka jngai na nga.

2. Kaei ka mon U kpa u ba ha bneng?

Ka mon jong U kpa ba ha bneng ka long ba ki briew kin ngeit ha U Jisu Khrist, u Khun jong U Blei. IOANNIS 6:38-40.

3. Hato ka kambah, ka kam ialap kaba ki la leh haka kyrteng U Jisu kam dei kaba shisha? Hato kim dei ki nongbud ba shisha jong U Trai bad kumno pat ki lah ban leh ia kine ki kambah ba khraw?

Ki lah ban leh ia ki kambah namar ba ki pyndonkam ia ka kyrteng U Jisu kaba don ka bor halor baroh. Phil 2:8-9; Mat 28:18

4. Ka kam bymman aiu ba ki lah leh ba U Jisu u ong ki Nongtrei bymman?

#-1. Ka kam bymman ka dei kata kaba ki briew ki pyndonkam bakla ia ka kyrteng U Trai. Ia lade kim ngeit, ki shu pyndonkam ia ka kyrteng U Trai, tang na ka bynta ban ioh burom lade. Na kata ka daw U Jisu u ong, Phi ki nongtrei kam bymman.

#-2. Ka dei namar kine ki briew ki pyndonkam ia ka kyrteng U Trai ryngkat bad ki mynsiem bymman. Bun bah ki briew kiba kam ialade ki nongduwai, hynrei ki pyndonkam bad ka jingthoh shun, ka jingpyrsad bad ka jingkren blom blom. Kiba kum kine ruh ki dei ki nongkam bymman ba U Blei um sngewbha.

Comments

Lai tylli ki bynta kiba ngi dei ban long kiba la khreh

Ka jingkhot sha ka jingim ba la khreh ka long kaba kyrkieh haduh katta katta ia ngi ki bangeit ha kine ki sngi ba khadduh. Kam dei shuh ka por ban dang shong thai, thiah thai, kam dei shuh ka por ban dang lehkai, hynrei ka lah dei ka por ba ngin long kiba la khreh. Ngin ia peit ha kane ka por ia ki lai tylli ki bynta ba ngi donkam ban long kiba la khreh. 1. Long kiba la khreh ban iashem bad U Trai: Heb 10:37, "Uta uba wan un wan bad un ym pyntud" U Jisu da lade hi mynba u dang don ha kane ka pyrthei u ong ba ngan leit noh ban khreh ka jaka iaphi, bad u ong ynda nga la dep ban khreh ka jaka ngan sa wan pat ban shimti ia phi sha lade hi. ÏOANNIS 14:1-3. Kumta u ong ia ki synran ba kin long kiba la khreh, bad um shym la iathuh lano un wan, u ong ia ki ba kin long kiba khreh. MATHAIOS 24:36-44; 45-51. U kren ruh ia ka pharshi ki shiphew ngut ki theisotti kum kata ka jingpynpyrkhat ia ki synran ba kin long kiba la khreh khnang ba haba un wan, kin ym shah iehnoh bad b

Ka jingim kaba pynsngewbha ia U Blei

Ka Ktien U Blei ka khot ia ngi kumno ba ngin im ka jingim kaba pynsngewbha ia U Blei... 2 Cor 5:9 ialeh tyngeh ban pynsngewbha ia U Blei. - Ai ba ngin don ka thong (goal) ban pynsngewbha ia U Blei. Eph 5:10...tynjuh kaei kaba pynsngewbha ia U Blei Kaei ka jingim kaba pynsngewbha ia U Blei? 1. Ka jingim kaba pyndem ia ka mon lade ha ka mon U Blei Nuksa na ka jingim U Jisu - Heb 10:7-8, Nga la wan ban leh ia ka mon jong Me ah U Blei... - U la pyndem lut ha ka mon jong U Blei U Kpa. - Phil 2:7-9, Wat la u long mar ryngkat bad U Blei...hynrei u la pynsuda, u la pynrit, u la pyndem lut ialade... - Mat 26:36-39 (v.37-39) - Ha kper Gethsemane u la duwai...long ka mon jong Me... Ha kane ka por u lah sngewthuh lypa kaba kumno ka jingeh bad ka jingshah lehbein kaba un ia kynduh, bad kaba kumno ka jingiap kaba u hap ban mad...pynban wat ha kaba kum kata ka por u ong "LONG KA MON JONG ME" Bunsien ka doh kam mon ban leh ia ka mon U Blei... Wat ki synran U Jisu ruh ki

U Khristan kum u Dieng

Ha ka Bible la pynsyriem ia ki briew jong U Blei ne u Khristan bad u dieng. U dieng hangne kam mut satia uto u dieng lyngkhot ne u dieng iap, hynrei ka kren ia u dieng uba im ne u jingthung. Haba ngi pule ha ka Psalms 1:3 bad Jeremiah 17:8 ka iathuh shaphang u briew jong U Blei (bangeit) ba u long kum u dieng ba la thung harud ki wah um... Balei la pynsyriem ia u bangeit bad u dieng? Haba ngi peit bniah, ngi shem ba u bangeit bad u dieng ne jingthung ki don ia ka juh ka jingiashem, jingmad bad ka jingtreikam, etc. Kumba u dieng u hap ban mad ia ki saw aiom, ka tlang , ka lyiur , ka pyrem , ka synrai , kumta ruh u Khristan. U hap ban iaid lyngba ia shibun ki jingiashem iakynduh ha ka jingim, don ka por ba u mad ia ka jingtyrkhong (tlang) ha ka jingim, don ka por ba u hap mad ia ka por ba shit kyrang (lyiur) , don ka por ba u mad ia ka por basuk bakmen, ka por ba pyngngad (synrai) bad kumta ter ter. Um lah ban mad tang ka por bakmen basuk baroh shirta, u hap ban iaid lyngb

Jester Mawlong

Search This Blog