Ka jingkylla kaba mut ka dei kata ka jingkylla jong ka jingmut ne ka rukom pyrkhat, kaba ialam sha ka jingkylla ka dohnud, bad kaba ialam ruh sha ka jingkylla ka rukom leh (action).
Ka wan na ka ktien tynrai jong ka Greek "metanoeō". Kaba mut ban sngewthuh ba ka lynti jong ngi ka bakla, bad ka lynti jong U Blei kaba dei.
Ka dei ruh kata ka jingsngewsih ba riewblei namar ka pop ba la leh bad phai noh sha U Blei. 2 Kor 7:9
Ia kane ngin iohi ia ka nuksa na u khun sarong-awria. Loukas 15:11-32
Haba ngi pule ha ka Bible ngi iohi na ka pateng bynriew sha kawei pat, U Blei u khot ia ki briew ba kin kylla kaba mut.
1. Balei ba donkam ban kylla kaba mut?
1) Ka dei ka hukum U Blei.
U Blei u hukum ia ki briew baroh kylleng la kylleng ban kylla-ka-bamut.
KI KAM 17:30
U Blei, namar kata, u la leh kum bym khmih ïa ki aïom ka jingbymtip, hynrei, mynta, u hukum ïa ki briew baroh kylleng la kylleng ban kylla ka bamut.
Balei U Blei u hukum ba ngin kylla kaba mut?
2) Namar baroh ngi la leh pop.
Ka Bible ka iathuh ia ngi ba baroh ngi la leh pop bad ngi la duh lehnohei ia ka burom U Blei.
Rom 3:23
"...namar baroh ki la leh pop, bad ki la duh lehnohei ïa ka burom ka jong U Blei"
ROM 3:10-12
Kumba la thoh: “Ym don u bahok, em, ym don uwei ruh; ym don uba shemphang, ym don keiñ uba wad ïa U Blei; baroh ki la ïasakma noh, ki la ïakylla bymmyntoi lang noh; ym don uba leh babha, ym don wat uwei ruh"
Ngim lah satia ban ong ba nga khlem don pop lane nga long uba hok ngam donkam ban kylla kaba mut. U Ioannis u ong ba lada ngi ong ba ngim don ka pop, ngi shukor ialade.
1 ÏOANNIS 1:8-9
Lada ngi ong ba ngim don ka pop ngi shukor ïa lade, bad kata ka jingshisha kam don ha ngi.Lada ngi phla ïa ki pop jong ngi, u long uba ïaineh bad u bahok, ban map noh ïa kita ki pop jong ngi bad ban pynkhuid ïa ngi na ka bymhok baroh.
Ngi hap ban admit ba ngi long ki nongpop, ngi donkam ia U Blei ban pyllait ia ngi na ka pop bad na ka jingpynjot ba shyrkhei ka dujok.
3. Kaei ka jingmih na ka jingkylla kaba mut?
1) Ka pynlong ba ia ki pop jong ngi yn pyndam (erase) noh.
KI KAM 3:19
Namar kata, to kylla-ka-bamut, to wan phai khmat ruh, ban ïoh pyndam noh ïa ki pop jong phi, ba kumta kin ïoh wan ki aïom shong pyngngad na khmat U Trai.
Haba ngi phai sha U Trai da ka jingkylla kaba mut, U Trai u kloi ban map bad un pyndam noh bad pynkhuid phar ia ki pop jong ngi.
Kampher kaei ka pop ngi la leh, hynrei haba ngi phai sha U Blei da ka jingkylla kaba mut, ka snam U Jisu ka donbor ban pynkhuid phar ia ngi.
ISAÏAH 1:18
“Ale te, to ngin ïasaid nia lem,” ong U Trai: “la ki pop jong phi ki long ki basaw hain hain, kin lieh kat ka ïor; la ki la saw bthuh, kin long kum u 'ñiuh langbrot.
2) Ka pynphai noh ia ka jingbitar U Blei.
U nongrwai Salm u ong ba U Blei u bitar ia u bymman man ka sngi.
Ha ka NKJV ka ong, God is a just judge, And God is angry with the wicked every day. Psalms 7:11 NKJV
Shuh shuh u Apostol Paul u ong ba ia ka jingbitar U Blei la pynpaw pyrshah ia ka jingbym riewblei.
ROM 1:18.
Namar ïa ka jingbitar U Blei la pynpaw na bneng pyrshah ïa ka jingbymriewblei bad ïa ka jingbymhok baroh phar ki jong ki briew, kiba pynpep keiñ ïa ka jingshisha da ka jingbymhok jong ki.
Lada ngim kylla bamut, kane ka jingbitar U Blei ka iaisah ha ngi.
ÏOANNIS 3:36
Uta uba ngeit ha U Khun, u don ka jingim bymjukut; uta te u bymkohnguh ïa U Khun, un ym ïohi ïa ka jingim: hynrei, ka jingbitar jong U Blei ka ïaisah halor jong u.
Pynban haba ngi kylla bamut, kata ka jingkylla bamut ka pynphai noh ia ka jingbitar U Blei.
ROM 5:9
Te kham tam shibun, haba mynta la pynksan ïa ngi da ka snam jong u, yn pynim ïa ngi da u na kata ka jingbitar U Blei.
3) Ka pynioh ha ngi ia ki aiom shong pyngngad na khmat U Trai.
U Petros ha ka jingialap ha ka sngi Pentecost u ong ia ki briew kiba la wan ban sngap ia ka jingialap jong u ba kin kylla kaba mut khnang ba kin ioh wan ki aiom shong pyngngad na khmat U Trai.
KI KAM 3:19
Namar kata, to kylla-ka-bamut, to wan phai khmat ruh, ban ïoh pyndam noh ïa ki pop jong phi, ba kumta kin ïoh wan ki aïom shong pyngngad na khmat U Trai.
Kaei kane ka aiom shong pyngngad na khmat U Trai?
Ka dei ka jingsuk bad ka jingkmen jong ka jingpynim.
Dei kane kaba U Jisu u ong ha ka gospel u Mathaios 11:28-29
To wan ha nga, phi baroh ki bathait bad bakhia ka jingkit, te ngan pynjem ïa phi. To shim ïa ka lyngkor jong nga ha phi, to hikai ruh na nga; naba nga uba lui lui bad u barit ruh ha ka dohnud: te phin shem kaba jahthait ha ki mynsiem jong phi.
U Blei un kyrkhu ia phi. Amen
Copyright © Jester Mawlong | Feb 12th, 2022
La shah laitluid ban SHARE ia kane ka post, hynrei yn nym shah ban print ne pynmih ha kino kino ki jingthoh khlem ka permission.
Comments
Post a Comment