Jester Mawlong

Katba ngi dang don ha kane ka pyrthei ngin nym lah lait na ki eriong, ngin iakynduh beit. Ha ka Bible ruh ngi shem kiba bun ki briew jong U Blei ki ia kynduh ia ki eriong ha ka jingim jong ki, wat ki synran jong U Trai Jisu kiba iohi bad don markhmat bad U Jisu ruh ki iashem kumjuh. Bad haba ka eriong ka wan, kiba bun hi ki briew kin sheptieng, hynrei ngi shem ba don ruh ki briew ki bym sheptieng, kiba suk kynjai wat hapdeng jong kata ka eriong. Kaei kaba pynlong ia ki briew ban ym sheptieng bad ban suk kynjai wat hapdeng jong ka eriong?  Ngin ia peit katto katne na ka Ktien U Blei, kumno ki briew ki shem ia ka jingsuk wat hapdeng jong ka eriong. 1. Ngeit ia ka Ktien jong U Trai. Haba ngi pule ha ka Gospel u Markos 4:35-41, ngi iohi shaphang U Jisu bad ki synran kumno ba ki ia iaid lynti lyngba ka duriaw bad ynda ki la iaid katto katne la khie ka eriong ba jur eh, bad ha kata ka por ki synran ki la sheptieng shikatdei eh, hynrei U Jisu u iohthiah lyngngai. v.37-38. Ki synra

Haba ngi pule ha ki Gospel la iathuh khana ia ngi shaphang ki nongtong dohkha, kumno ki im bad ki leh ha ka jingim jong ki. To ngin pule bad ngin ia peit: Kaba nyngkong ki shna ia ki jar:  MATHAIOS 4:21 . Te haba u la leit noh nangta u la iohi  arngut kiwei pat kiba shi para, U Jakob u khun U Sebedi, bad U loannis u para jong u, ha ka lieng bad U Sebedi u kpa jong ki, ba ki dang ia shna ia ki jar jong ki, bad u la khot ia ki. Hangne ngi shem ba ki nongtong dohkha ki dang ia shna ia ki jar jong ki.  (Ha ka NIV ka ong, Preparing their nets; ha ka NKJV ka ong, Mending their nets)  Ki dang iashna, iasuh, iathaiñ ia ki jar jong ki. Ki da peit bha ia ki jar jong ki ioh don kano kano ka thliew bapei ba kin ioh ban suh ban shna bha ne ioh don kano kano ka jingsohkyrdot ha ki, ba kin ioh ban law ban loit, ban pynbeit ryntih bha, khnang ba ynda ka por ka la ailad ia ki ban leit tong dohkha biang kin ym jynjar ban pynbeit pynbiang ia ki jar jong ki, kin shu leit ban tong da ka jingsuk

U DANIEL Uei u Daniel?  U Daniel u dei u samla Israel na ki khun Judah. U long ruh u samla uba bha briew, bastad ba shemphang bad ruh u ba sheptieng ia U Blei Jehovah. Ha ka Aramaic bad Hebrew, Daniel ka mut 'U Blei u long u Nongbishar jong nga' Ha ka snem kaba lai ka jingsynshar jong u Jehoiakim u syiem Judah, u Nebuchadnezzar u la wan hiar thma ia ki Israel bad u la jop ia ki, bad u la ring mraw ruh ia kiba bun. U la jied ruh ia ki samla kiba stad bad ba bha briew bym don kano kano ka jingthohdak ha ki ba kin ioh ban ieng ha khmat u syiem. Bad na kine la don u Daniel bad ki lai ngut ki paralok jong u. Daniel 1:1-7 KA RUKOM IM JONG U U Daniel u im ka jingim ka bym pyniasyriem bad ka rukom im ka pyrthei. Haba u la shah jied ban ieng ha khmat u syiem, bad u syiem u la hukum ba dei ban bsa bha ia ki, ban ai ha ki ban bam na ka jingbam ba u syiem u ju bam, bad ban ai dih na ka waiñ kaba u syiem u ju dih khnang ba kin kham bha briew kham sngaid kham plung shuh shuh. Hyn

Mat 16:24-25, Ynda kumta U Jisu u la ong ha ki synran jong u : "Lada uno uno ruh u mon ban wan nadien jong nga, ai ba un len ia lade, bad un rah ia la ka diengphna, bad un wan bud ia nga." Ngi iohi hangne ia kaei kaba U Jisu u ong, 1) Len ia lade 2) Rah ia la ka diengphna 3) Bud ia nga 1) Len ialade: Lehse ngi lah ban pyrkhat balei U Jisu u buh shuwa ia ka kyntien 'Len ia lade' na khmat, bad ka kyntien 'Bud ia nga' hadien duh, bad ka kyntien 'Rah ia la ka diengphna' hapdeng. Hangne ka don ka jingmut kaba khraw. Kata ka long ba u briew shuwa ba un rah ia la ka diengphna u hap ban len shuwa ia lade. Katba um pat lah ban len ia lade, katba ka malade jong u ka dang ieng hakhmat, un nym lah satia ban rah ia la ka diengphna. U donkam ban iap lut ia ka malade baroh, ka hanga manga baroh, dei hangta u sa lah ban rah ne bah ia la ka diengphna. Ngi iohi ia ka nuksa na U Jisu, shuwa ba un bah ia ka diengphna, u la iap lut ia ka malade baroh ha Kper G

Psalms 105:4 “To wad phi ia U Trai bad ia ka bor jong U; wad ia ka khmat jong U ha la ka sngi.” U Nongrwai Salm hangne u kyntu ia ki bangeit kumno ba ki dei ban wad ia ka khmat U Trai ha la ka sngi. Balei hap ban wad ia ka khmat U Trai ha la ka sngi? Balei bym wad tang ha ka sngi U Blei ne Sngi Saitjain, etc? Hynrei hap ban wad ha la ka sngi? Kadaw ka long namar ngim tip kaei kaba U Trai un leh mynta ka sngi. Shano un ialam? Kaei kaba ngi dei ban leh ha kane ka sngi?  Kitab Jingrwai Sngewsynei 3:22-23, ka ong, “… naba ki jingisynei jong U kim duh, ki long kiba thymmai man ka step…” U Blei jong ngi u long U Blei uba leh ia kiei kiei kiba thymmai man ka sngi. Ki jingkyrkhu jong U ki thymmai man ka sngi. Dei na kata ka daw ngi ruh ka dei ia ngi ban wad ia ka khmat jong U ha la ka sngi. Ym dei satia tang shisien shi taiew. Ym dei ruh ban ong ba mynnin nga leh kumto, U Trai ruh U leh kumto, mynta ruh ngan leh kumto bad U Trai ruh un leh kumto kumba ba leh mynnin, hynrei em kam l

Ha ka Bible la pynsyriem ia ki briew jong U Blei ne u Khristan bad u dieng. U dieng hangne kam mut satia uto u dieng lyngkhot ne u dieng iap, hynrei ka kren ia u dieng uba im ne u jingthung. Haba ngi pule ha ka Psalms 1:3 bad Jeremiah 17:8 ka iathuh shaphang u briew jong U Blei (bangeit) ba u long kum u dieng ba la thung harud ki wah um... Balei la pynsyriem ia u bangeit bad u dieng? Haba ngi peit bniah, ngi shem ba u bangeit bad u dieng ne jingthung ki don ia ka juh ka jingiashem, jingmad bad ka jingtreikam, etc. Kumba u dieng u hap ban mad ia ki saw aiom, ka tlang , ka lyiur , ka pyrem , ka synrai , kumta ruh u Khristan. U hap ban iaid lyngba ia shibun ki jingiashem iakynduh ha ka jingim, don ka por ba u mad ia ka jingtyrkhong (tlang) ha ka jingim, don ka por ba u hap mad ia ka por ba shit kyrang (lyiur) , don ka por ba u mad ia ka por basuk bakmen, ka por ba pyngngad (synrai) bad kumta ter ter. Um lah ban mad tang ka por bakmen basuk baroh shirta, u hap ban iaid lyngb

Ka Ktien U Blei ka khot ia ngi kumno ba ngin im ka jingim kaba pynsngewbha ia U Blei... 2 Cor 5:9 ialeh tyngeh ban pynsngewbha ia U Blei.  - Ai ba ngin don ka thong (goal) ban pynsngewbha ia U Blei. Eph 5:10...tynjuh kaei kaba pynsngewbha ia U Blei Kaei ka jingim kaba pynsngewbha ia U Blei? 1. Ka jingim kaba pyndem ia ka mon lade ha ka mon U Blei Nuksa na ka jingim U Jisu - Heb 10:7-8, Nga la wan ban leh ia ka mon jong Me ah U Blei... - U la pyndem lut ha ka mon jong U Blei U Kpa. - Phil 2:7-9, Wat la u long mar ryngkat bad U Blei...hynrei u la pynsuda, u la pynrit, u la pyndem lut ialade... - Mat 26:36-39 (v.37-39) - Ha kper Gethsemane u la duwai...long ka mon jong Me... Ha kane ka por u lah sngewthuh lypa kaba kumno ka jingeh bad ka jingshah lehbein kaba un ia kynduh, bad kaba kumno ka jingiap kaba u hap ban mad...pynban wat ha kaba kum kata ka por u ong "LONG KA MON JONG ME" Bunsien ka doh kam mon ban leh ia ka mon U Blei... Wat ki synran U Jisu ruh ki

Haba ngi pule ha ka Kitab Proberb 30:26 la iathuh ia ngi shaphang ki Heiraks. Kine ki Heiraks ki long ki mrad kiba rit bad kiba tlot, pynban ki long kiba stad shikatdei eh ong ka ktien U Blei. Ki sngewthuh ialade ba ki long kiba tlot, kiba rit, ki bymdonbor eiei, bad ki sngewthuh ba ka jingshngaiñ jong ki ka dei sa tang ha u mawsiang, kumta la ong ba kine ki Heiraks ki ju shna ia la ki ïing jong ki ha u mawsiang. Kaba sngewtynnad shuh shuh ka long ba kine ki Heiraks kim ju jngai na u mawsiang, watla ki wad bam wad dih ruh ki wad hajan hajan u mawsiang bad haba wan u nongshun ne ka jingma, wut wut ki mareh ban rieh ha uta u mawsiang. Kane ka long ka jinghikai bakhraw ia ngi ruh ba kumno ba ngi dei ban long kiba stad ha ka ban tei ia la ka ïing jong ngi halor u Mawsiang ba long u Khrist Jisu, bad ba ngim dei ruh ban jngai na U. Namar dei tang ha u Khrist uba u Mawsiang ba shisha ka don ka jingshngaiñ ia ka jingim jong ngi. Mat 7:24-27, ka iathuh ba ki wah ki lah ban shlei, ki

Ka khubor na ka Ktien U Blei kaba nga don ban wanrah shaphi ha kane ka por ka long " MAREH BAN IOH IA KA PANSNGIAT "  Da kaba nga pynshong nongrim ia kane ka jingkren na ka shithi u apostle Paul sha ki nong Korinth (1 Cor 9:24) Balei la ong, Mareh ban ioh ia ka Pansngiat? Namar don bun ki rukom mareh ne ki nongmareh. Don kiba mareh naka bynta ka jingmyntoi ka met, ban koit ban khiah, ban bang ka bam ka dih bad kumta ter ter, don ruh kiba shu mareh pynbud tynneng. Don pat ki Nongmareh kiba mareh ryngkat ka jingthmu ban ioh ia ka Pansngiat. U apostle Paul haba u hikai ia ki bangeit kumno ba kin leh ban ioh ia ka Pansngiat (kaba long ka jingim bymjukut), u ai ka nuksa da kaba u pynsyriem ia u Khristan bad u Nongiamareh thong.  Lehse ngi lah ban pyrkhat, balei la pynsyriem bad u Nongiamareh thong? Kadaw ka long ba u Nongiamareh thong u don ka jingmad (experience) kaba ia syriem bha bad u Khristan.  1 Korinth 9:24. "Hato phim ju tip ba kita kiba ïaphet ha ka jingï