Jester Mawlong

EKKLESIASTIS 3:1 Don ka aïom ïa kiei kiei baroh, bad ka por ïa ka jingthmu baroh hapoh ka bneng: U Ekklesiastis u ong, Don ka por ia kiei kiei baroh. Ka long kaba shisha ba kiei kiei baroh kim long sah kumjuh, ki kylla, mynnin da kumwei mynta da kumwei pat.  Ka long ruh ha ka juh ka rukom ha kaba iadei ka jingim jong ngi bad U Blei. Ka por jong ngi bad U Blei kan nym sah kumjuh, ka kabu jong ngi bad U Blei kan nym sah kumjuh. Don ka por ia kiei kiei baroh. To ngin ia peit ia ki katto katne ki por ha kaba iadei hapdeng jong ngi bad U Blei. Phi lah ruh ban sngap ia kiwei pat ki khubor ha ka YouTube channel jong nga, da kaba click ha kane ka link ba green. 1. Ka por ba U Blei u dang ieit bad ka por ba U Blei un sa bitar. Ngi ju iohsngew barabor ia ka jingialap shaphang ka jingieit jong U Blei. Hooid ka long kaba shisha ba U Blei u ieit haduh katta katta ia ngi. IOANNIS 3:16 Hynrei lada ngi leh bym suidñiew ia kata ka jingieit jong U, un sa bitar pyrshah ia ngi. HEBRU 12:29...

Hato ngi lah ju pyrkhat, kaei ka ban pyniapher ia ngi na kiwei pat?  Ka ban pyniapher ia ngi na kiwei pat kam dei satia ka jingdon spah don phew, ka jingdon ïing dulan paki, ka jingdon kali, jingnang jingstad, ka riam ka beit lane ka dur bha briew. Hynrei ka ban pyniapher ia ngi ka dei ka jingpynsleh bad ka bor U Mynsiem Bakhuid. Ngin ia peit na ki katto katne ki jingjia ha ka Bible kiba pyni ia ka jingiapher hapdeng jong ki. 1. Elijah:  Haba ngi pule ha ka kitab  1 SYIEM 18:20-40 , ngi shem ia ka jingialeh u Elijah bad ki prophet u Baal ha u lum Karmel. Hangto ngi iohi ia ki juh ki rukom ai jingknia, ki juh ki jaid Masi dab ba la pyndonkam, hynrei ngi iohi ka don ka jingiapher hapdeng U Elijah bad ki prophet u Baal. Kaei kaba pyniapher ia u Elijah na ki prophet u Baal? Ka dei ka ding jong U Blei.  2. Ki shiphew ngut ki Theisotti:  Ha ka gospel u MATHAÏOS 25:1-13 , la iathuh ia ngi shaphang ki shiphew ngut ki theisotti. San ngut kiba stad bad san ngu...

Haba ngi pyrkhat na ka bynta ka jingtuid ha ka jingmane, ka long kaba donkam ban pyrkhat kiei kiba lah ban pynwit (distract) ia ki briew ban mane ia U Trai bad ban shim ia ki sienjam bad ban thaw lad ban weng ia ki jingpynwit ia ki.  To ngin ia peit ia ki katto katne kiba lah ban pynwit ne khanglad ia ka jingmane: 1. Ka jingbymshisha Ka jingialam ia ka jingmane ka dei ban long na ka jingkyrsoi ka dohnud. Ngim lah ban shu leh pluh mynsiem tang na jrong na sla, lada ngi leh kumta ki bangeit kin ithuh bad kumta kin shu sammut pynban ha ka jaka ba kin ngam ha ka jingmane. Ngi hap ban pyrkhat bha ia kaei kaba ngi ialam. Dei namar kata ka daw ngi hap ban pynkhreh bha, ban duwai bad wad ia ka jingialam jong U Blei. Ngim lah ruh ban im ha stage da kumwei ha bar da kumwei, kane ruh kan long ka jingkhanglad ia ka jingmane.   2. Ka jingkhih palat (Excessive movement) Kane ruh ka long kawei ka ba pynwit ia ka jingtuid jong ki briew ha ka jingmane. Ynda haba ka rukom khih met ...

INTRODUCTION: Ka jingtuid jong ka jingmane ka dei kaba kongsan eh ha ki nongialam jingmane. Kumta man ba ngi ialam ia ka jingmane (praise and worship) ngi hap ban pyrkhat bha kumno ban pynlong ia ka jingmane kaba tuid bad kiei kiba ngi dei ban leh bad kiei kiba ngi dei ban kiar khnang ba ka jingmane jong ngi kan tuid (flow) . [Nalor ka jingim ba aiti lut, ka jinglong beit bad U Blei, ka jingim jong ka jingmane (shimet) bad kiwei pat kiba ngi dei ban leh kum ki nongialam jingmane, ngi donkam ruh ban pyrkhat kiei ki lad ban wanrah ne pynlong ia ka jingtuid jong ka jingmane] Ka jingtuid ka kynthup naduh ka rukom ialam, tem, rwai bad ka jingtuid ha U Mynsiem Bakhuid. Kumta to ngin ia peit – Kumno ban wanrah lane ban pynlong ia ka jingtuid jong ka jingmane. WORSHIP LEADER Nuksa: Pyrkhat ha ka dur jong ka jingkhawai - Mano ki ban wan sha kata ka jingkhawai?  1. Kaba tei bad pyndonkam ia ki jingrwai (songs construction and use): Buh jingmut lypa kumno phin sdang bad hangno p...

Ngi pule ha ka SALM 51:1-19 ngi iohi ia ka jingduwai jong U David hadien ba u Nathan u la leit ban sneng ban pynbeit ia u namar ba u la klim ia ka Bathsheba bad pyniap ruh ia u lok jong ka da kaba ia sylla bad u Jowab ban buh ia u ha khmat jong ka thma kaba khluit bha.  Ha kane ka jingduwai jong U David ngi iohi ia ki ar bynta: 1. Ka jingduwai na ka bynta ka jingmap jong U Blei. Naduh ka dkhot ba nyngkong haduh ka dkhot khadar ngi iohi u David u la duwai ha khmat U Blei ba U Blei un isynei, un map,  un pynkhuid bad pynthymmai pat ia u.  Kaba sngewtynnad ka long u David haba u Nathan u la sneng ia u, um shym la pynksan ialade, hynrei kloi lan u la pdiang (admitted) ba u la leh pop. Bad haba u la duwai ruh ha U Blei um shym la pynksan ialade lane kynnoh ia ka Bathsheba, um shym la ong satia ba dei ka Bathsheba kaba la sum pathar bad kumta ter ter ba ka sa long kumne. Hynrei u la shu pyndem rit beit ialade ha khmat U Blei da ka jingkylla kaba mut. Bunsien ki bri...

Ka bakut ka doh baroh ka la wan ha khmat jong nga JENESIS 6:11-13 ¹¹Hynrei, ka khyndew ka la pyut sniew ha khmat U Blei, bad la pyndap ruh ïa ka pyrthei da ka jingleh-jubor. ¹²Te U Blei u la khmih ïa ka pyrthei, bad, ha khmih ruh, ka la pyut sniew; naba ka doh baroh ka la lah pynpyut plak ïa la ka lynti ha ka pyrthei. ¹³Bad U Blei u la ong ha u Noah, “Ka bakut ka doh baroh ka la wan ha khmat jong nga; naba da ki keiñ la pyndap ïa ka pyrthei da ka jingleh-jubor; bad ha khmih ruh, ngan pynjot noh ïa ki lem bad ka khyndew.  Kane ka dei ka jingkren jong U Blei ha ka por u Noah. Kaei kaba la pynlong ia U Blei ban kren ia kine ki ktien? Ka dei namar ka jingbymman jong ki briew, ka jinglong ba pyut plak jong ka pateng bynriew, ka jingleh bymsuidñiew bad ka jingbym sheptieng shuh ia U Blei. JENESIS 6:5‭-‬7 Te U Trai u la ïohi ba ka jingleh bymman jong u briew ka la khraw eh ha ka pyrthei, bad ba ka jingthmu baroh ki jingpyrkhat ka dohnud jong u ki la long bymman ha la ka sngi. ...

KA JINGPYNBAPTIS 1. Ka jingpynbaptis ka dei kaba la thung (ordained)  ne hukum da U Jisu Khrist. MATHAÏOS 28:19-20 "...namar kata keiñ, to khie da leit noh ma phi, to pynlong synran ïa ki bynriew baroh, da pynbaptis ïa ki ha ka kyrteng ka jong U Kpa, bad ka jong U Khun, bad ka jong U Mynsiem Bakhuid." U Jisu haba u phah ia ki synran, ban ïalap, u ong ruh ia ki ba kin da pynbaptis . Na kane ka dkhot ngi sngewthuh ba ka jingpynbaptis ka dei kaba la thung (ordained)  ne hukum da U Jisu Khrist. 2. Kumno yn pynbaptis? 1) Da kaba pynngam ha ka um.  Ka ktien pynbaptis ka wan na ka ktien tynrai jong ka Greek " Baptizo " kaba mut ban wieh (dip) , lane ban pynngam (immerse). Rom 6:4 Namar kata keiñ, la btep lem ïa ngi bad u, da ka jingpynbaptis ha kata ka jingïap jong u: ba kat kumba la pynmih pat ïa U Khrist na ki baïap, da ka burom ka jong U Kpa, kumta ba ngi ruh, ngin ïa-ïaid ha ka jingthymmai ka jingim. Ka jingpynngam ha ka um jong ka jingpynbaptis ka iasyri...