Jester Mawlong

U Blei U pyndonkam ïa kiba shlur  Sngap ruh ha YouTube da kaba click hangne  👈 U Blei um da peit eh phi duk, phi riewspah, phi rit phi khraw, phi bieit phi stad, ne uba kumno phi long, hynrei u peit phi don ne em ka jingshlur, phi long ne em uba shynrang mynsiem. Bad ïa kita kiba shlur bad kiba shynrang mynsiem U Blei u jied bad u pyndonkam na ka bynta jong U. Ngi iohi ïa kane na ka Ktien jong U Blei, kiba bun hi kiba U Blei u pyndonkam ki dei ki briew kiba shlur, kam pher ki wan na ka background kaba kumno. Ngin ia peit katto katne ki nuksa na ka Ktien jong U Blei. U Gideon Ha ka por ba ki khun Israel ki la leh pop ia U Blei, U Blei u la aiti noh ia ki Israel ha ka kti ki Midian, bad kine ki Nong Midian ki la pynjynjar, pynsohsat ïa ki khun Israel haduh ba ki khun Israel ki la lynniar bad kyrpad ha U Trai ba un pyllait noh ia ki. NONGBISHAR 6:6 Ki Israel te ki la shipa eh na ka bynta ki Midian: bad ki khun Israel ki la lynñiar ha U Trai. Ha kata ka por U Blei u la iohsnge

U Blei u bah khlieh ia kita kiba u la khot  U Blei haba u khot iano iano um ju iehnoh kumto, hynrei u da bah khlieh ia uta u briew nadong shadong. Naduh ka bam ka dih, ka kup ka sem, ka jingiada jingsumar, etc etc.  Ngin ia peit ia ki nuksa na ka Bible kiba pyni kumno U Blei u da bah khlieh na ka bynta kita kiba u la khot. 1. U Abraham Ngi pule ha ka kitab Jenesis 12: ngi iohi kumno ba U Blei u la khot ia U Abraham. Ha kata ka jingkhot jong U, ngi iohi kumno U Blei u kular na ka bynta U Abraham. JENESIS 12:3 bad ngan kyrkhu ïa kita kiba kyrkhu ïa me, bad ngan tim ïa uta uba tim ïa me: bad ïa ki jaid bynriew baroh ha ka pyrthei kin long ba la kyrkhu ha me.” Kane ka kren ia kata ka jingbah khlieh jong U. Haba ki briew ki tim ia ngi ngim donkam ban tim kylliang ia ki, hynrei U Blei un tim. Haba ngi don ha ka jingkyrduh, U Blei u bah khlieh ban pyndap ia ngi. Amen  Dei namarkata kadaw U Jisu u ong, wat khuslai ia kaei ba phin bam bad ia kaei ba phin kup. Mathaios 6:25-34 Balei

Wat nym iuh ia ka snam uba lui lui Uei une uba lui lui?  Uba lui lui u dei U Jisu Khrist. Ka Bible ka iathuh ia ngi ba U Jisu Khrist u long uba khlem pop, um shym la leh ia kano kano ka pop, hynrei la pynlong pop ia u na ka bynta jong ngi.  ‭2 KORINTH 5:21 Namar ïa uta u bym shym la tip ïa ka pop, u la pynlong ka pop na ka bynta jong ngi, khnang ba yn pynlong ïa ngi ka hok U Blei ha u. Watla um shym la leh pop, hynrei la rai pynrem ia u bad la sah narphna ia U na ka bynta ki pop jong ngi. Please click this link and Subscribe my YouTube Channel, Ka mut aiu iuh ia ka snam uba lui lui?  Ka mut leh pop biang ( da ka mon sngewbha hadien ba lah ngeit bad kylla bamut) , phaidien noh na kaba bud bad shakri ia U Trai, ngi leh bymsuidniew ia ka jingpynim ba U Trai u la ai. Kata ka dei ka jingmut, ‘Ïuh ïa ka snam ba lui lui‘ , ha ka jingsngewthuh jong nga. Ha ka Bible ngi shem don kiba die ia ka snam ba lui lui, kumba long u Judas, don ruh kiba ïuh ïa ka. Jia aiu lada ngi ïuh ïa ka

Kumno ngi lah ban im khuid hapdeng ka pateng bynriew kaba tngit? Haba ngi phai sawdong ngi shem ba kane ka pyrthei ba ngi im ka la nang tngit nang tngit katba nang mih ki sngi, la ka long ha ka mariang bad ruh ha kaba kynja mynsiem kumjuh. Pynban ha kane ka por ngin nym ia kren ia ka jingtngit ka mariang lane ki sawdong sawkun, hynrei ngin ia kren ia ka jingtngit ha kaba iadei bad kaba kynja mynsiem. Please Subscribe my YouTube channel Ka Bible ka ong na ka kitab Jingpynpaw 22:11 Uta u bymhok, to un nang leh bymhok: bad uta uba tngit, to un nang tngit: bad uta u bahok, to un nang leh hok: bad uta u bakhuid, to un nang khuid.”  Kam ong satia, oh namar ba ka pyrthei mynta ka lah tngit, to ia tngit lang noh, ym lah leh eiei. Hynrei ka ong, uta uba tngit to un nang tngit, ( ym lah leh eiei ), hynrei uta uba hok, to un nang leh hok. Kata ka dei kaei ba ka Ktien jong U Blei ka hikai. Kumta ka jingkylli ka long, Kumno ngi lah ban im khuid hapdeng ka pateng bynriew kaba tngit? Ba

Iaroh ia U Trai hapdeng jong ka eriong Ngi la ju kren, ngi la ju iohsngew shaphang ka jingsuk hapdeng jong ka eriong bad kiwei kiwei ki subject kiba kren shaphang ka eriong. Ka long ruh kaba donkam ban iohsngew shaphang ka jingiaroh hapdeng jong ka eriong. Ka jingiaroh, ka jingainguh ia U Trai ka long ka mon jong U Blei bad ka dei ruh kaba u da sngewbha eh ia U. 1 Thes 5:18, "Ha kaei kaei baroh to phin ai ka jingnguh: namar kane keiñ, ka long ka mon U Blei ha U Khrist Jisu sha phi." Salm 69:30‭-‬31, "Ngan ïaroh ïa ka kyrteng U Blei da ka jingrwai, bad ngan pynkhraw ïa u da ka jingainguh. Te kan kham pynsngew- bha ïa U Trai ban ïa u masi lyngraw, lane u masi dab uba don bad reng bad khnap." Ka jingiaroh ka long kaba suk ban leh haba ngi koit ngi khiah, bad haba kiei kiei baroh ki iaid beit iaid ryntih. Haba ngi mad jingkyrkhu, hangto hangto hi ka jingainguh bad ka jingiaroh kan shu mih la mih hi. Hynrei haba ki eriong ha ka jingim ki wan, ka long kaba kha

Ki sngi ba ngi im mynta  Nga kwah ban ia peit katto katne na ka Ktien U Blei ha kaba iadei bad kine ki sngi ba ngi im mynta. Aiu ka Bible ka ong lane ka batai shaphang kine ki sngi ba ngi im mynta. Phi lah ban sngap ruh ia kane ka khubor na YouTube da kaba click hangne 1. Ki sngi kiba sniew Ka Bible ka iathuh ia ngi ba kine ki sngi ba ngi im mynta ki dei ki sngi kiba sniew.  EPHESOS 5:15-16 [15] To khmih bha te kumno phi ïaid, ym kum ki bymstad, hynrei, kum ki bastad; [16] da kaba siewspah ïa ka por, naba kine ki sngi ki long ki basniew.  Kane ka long kaba shisha. Sdang ban puson shaphang kine ki sngi phin shem ba ka long kumta shisha. Phin iohi tang ka jingsniew kat shaba phai. #. Ka jingsniew ha ka long briew man       briew. Ka long briew man briew ha kine ki sngi ka lah da sniew haduh katta katta. Kam don shuh ka jingsalia, ka jinglehraiñ ban leh wat ia ki kam bym dei ban leh, ki kam pap kam sang baroh. Ka jinglehbor bat bor wat ia ki kynthei, ki khunlung khynnah ruh. 

U Blei U buh tyngkai ia kiei kiei ki ba bha na ka bynta ki briew jong U    SALM 31:19 A katno kaba khraw ka jingbha jong me, kaba me la buh tyngkai ïa kita kiba sheptieng ïa me; kaba me la leh ha kita kiba shaniah ha me, ha khmat ki khun shynrang ki briew! Buh tyngkai ka mut, buh kyrpang ia kaba kyrpang tam na ka bynta kita kiba sngew ieit. Sngap ruh ia kane ka jinghikai ha ka YouTube da kaba click hangne Lada ngi peit naduh kaba sdang hi U Blei u sngewtynnad ban ai ia kaba bha tam na ka bynta u briew. Dei namarkata kadaw ha ka kitab Jenesis lynnong ba nyngkong ngi iohi, haba u pynlong ia kiei kiei baroh, U da peit ka lah bha ne em, bad haba u iohi ba kiei kiei baroh kiba u la pynlong, ki la long kiba bha, kumta ia kata kaba bha U aiti ha u briew (Adam), u briew banyngkong.   Kane ka jingmut jong U Blei ka dang iai don ha U na ka bynta ki briew jong U haduh kine ki sngi.  Ngin ia peit katto katne ia ka nuksa ha ka Bible, kumno ba U Blei u da buh tyngkai shisha ia kiei kiei

Kumno phin shem ia ka jingkhot jong U Blei sha ka music ministry? Ka jingshakri jong ka jingrwai jingtem ka long kaba kongsan bha ha ka Balang. Na ka por sha ka por ngi ju duwai ba U Blei un pynmih shuh shuh ki nongrwai nongtem ki ban iaroh bad mane ia U Blei. Lehse don napdeng jong phi ki samla phi kwah ban mih shakhmat ha kane ka jingshakri hynrei phim pat sngewthuh bad phim pat shem lad kumno ban leh. Kumta ha kane ka por nga kwah ban wanrah ia ka jinghikai, "Kumno ban shem ia ka jingkhot jong U Blei sha ka ministry jong ka jingrwai jingtem" Kine ki steps ki dei kiba nga la iaid lyngba. 1. Don ka jingthrang: Ban shem ia ka jingkhot jong U Blei ka sdang da ka jingthrang ba U Blei un pyndonkam ia ngi na ka bynta ka burom jong U. Ka jingthrang ka pynlong ia ngi ban pyrkhat ban puson tang shaphang kata. Ngin ialeh ban thaw ki lad ki lynti ban poi shata. Kata ka dei kaba nyngkong. 2. Duwai ha U Blei na ka bynta ka jingiohipaw (vision): Hadien ba ngi don ka jingthran

WAT PAT DUH BOR  #-1. Ka ktien ‘ wat ’ ka dei ka kynja ‘ktien jingmaham, (a warning word) lane jingkyntu. Haba ong ‘ wat pat duh bor ’ ka mut ngim pat dei ban duh bor, lane ym pat long ban duh bor.  Please subscribe my youtube channel #-2. Ka kyntien ‘ wat pat duh bor ’ ka pyni ba dang don kaei re kaei sha khmat. Dang don kaei re kaei kaba bha sha khmat, dang don kaei re kaei kaba janai sha khmat, dang don kaei re kaei kaba kordor sha khmat. Ka dei ka kyntien kaba pynpyrkhat ia u briew. Balei ngim dei ban duh bor? Jia aiu lada duh bor?  Ngi hap ban kynmaw ia kane kawei, ba ka jingim Khristan ka long kum u nongiamareh race , lane u nongtih mawlynnai. Lada ngi duh bor noh shuwa ba ngin poi ha ka thong, ngin nym ioh eiei.  U Apostol Paul u ong ia ki bangeit ha Galatia ba kim dei ban duh bor noh shuwa ka por lane ka ïa ba biang. ‭GALATIA 6:9 Te ha kaba leh babha, wat ai ba ngin man thait shuh, namar ha ka Ïa babiang, ngin ïoh ot lada ngim da duh bor noh.  Hangne u Apostol Paul

Ka khyrdop bakhim :: Mt 7:13-14; Lk 13:24 Haba ngi pule ha kitei ki dkhot haneng, ngi iohi ia ki 2 tylli ki khyrdop - i.e. Kaba khim & Kaba kylluid Sngap ia kane ka jingrwai da kaba click hangne U Jisu u khot ia ngi ban iaid na ka khyrdop bakhim bad lada ngi iaid na kane kan ialam ia ngi sha ka ban im ( kaba mut sha bneng ). Hynrei lada ngi iaid na ka lynti ba kylluid, kan ialam ia ngi sha ka jingiap ( kaba mut sha dujok ). Ka mut aiu khyrdop bakhim?  Hato ka dei kaba khim, kaba rit shisha? Em, U Jisu um mut ia kane literally ba ka da khim shisha, hynrei kane ka long ka jingkren ban draw ia ka attention jong ki briew ba kin sngewthuh bad ba kin tip ia kaei ba ki dei ban leh ba ki lah ban iaid lyngba ia kane ka khyrdop bakhim ( lynti bneng ).   1. Ka dawa ia ka jingpynleit jingmut e.g: Haba iaid ia kano kano ka lynti kaba rit bad khim. i.e. ha riat eiei. Ka dawa ia ka jingpynleit jingmut kaba jur.  Dei namarkata ka daw u Apostol Paul u ong, da khmih bha kumno phi iaid…

U samla uba riewspah Ha ka gospel u Loukas 18:18-23 la iathuh khana ia ngi shaphang 'U Samla uba riewspah'.  Haba ngi pule shaphang une u samla bariewspah ngi iohi ia ki ar tylli ki side, kata Side A bad Side B . 1. Side A (Positive): 1) U don ka spah  Mar sien plied ha kane ka lynnong bad dkhot la iohi ba u long u Samla uba riewspah. Heading   Ha ka dkot 23 la ong ba u long uba riewspah eh. Bad ha ka gospel u Mathaïos la ong ba u don shibun ka spah. Mat 19:22 Na kine ki dkhot ngi sngewthuh ba une u samla u long da shisha uba riewspah. Kata ka long kaei kaei kaba sngewtynnad ban iohsngew shaphang une u samla. 2) U tip bha ia ki hukum bad sumar bha ruh ia ki Nga lah ban ong, u dei u samla uba shakri Blei bha. Ia kane ngi lah ban sngewthuh na kaei ba u kylli ia U Jisu ban ong, kaei ba nga dei ban leh ban ioh ka jingim bymjukut, bad haba U Jisu u ong ba me dei ban sumar ia ki hukum, u ong ia kita nga la sumar na myndang khynnah. Kane ka pyni ba u dei uba ieit ban sha

Ka jingieit sbai Intro : Uei u sbai? U sbai ka thew hi ia ka pisa. Ha ki por mynshuwa ki briew kim pat ju pyndonkam pisa, ki pyndonkam tang da u sbai. Lada ki leit die ia ki mar ki mata, lane ki jingri jingdup jong ki, ki ioh bujli pat da u sbai, la ka long katno katno tylli katba shong ka dor jong kata ka mar. Ka long kum ha kine ki por jong ngi mynta, haba ngi leit die jingdie, ngi ioh bujli da ka pisa. Please Subscribe to my YouTube channel too  by clicking this link  Ia kane ka rukom la leh ruh wat ha ki Balang, la ju pyndonkam ia u sbai haba donkam eiei. 1 KORINTH 16:1  Hynrei, shaphang kata ka jingsynñiang sbai kaba na ka bynta ki riewkhuid, kumba nga la buh beit biang ruh ha ki balang ka Galatia, kumjuh ruh, to leh ma phi.   Hangne ngi iohi ka don kata ka jingiasynniang sbai na ka bynta ki riewkhuid ia kaba u Apostol Paul u bthah ia ki Balang ba kin leh, ban long ka jingkyrshan ia ki riewkhuid. Ka mut aiu ieit sbai? Ieit sbai ka mut kheiñ kordor ia ka pisa ban ia U

U Jisu Khrist - Ka jingkyrmen ia kiba la duh jingkyrmen JEREMAÏAH 29:11 Naba nga tip ïa ki jingmut kiba nga pyrkhat shaphang jong phi,’ ” ong U Trai, “ki jingmut ka jingsuk keiñ, te ym ki jong ka jingsniew, ban ai ka jingkyrmen ïa phi ha ka por bakut jong phi . Paralok baieit, lada phi la duh jingkyrmen ha ka jingim, phai sha U Jisu. Ha U Jisu ym ju don ka jingduh jingkyrmen. Ngi iohi ha ka Bible, kiba bun bah ki briew kiba la duh jingkyrmen, kiba la kut lad ka jingim, hynrei haba ki phai sha U Jisu, U Jisu u ai pat ka jingkyrmen ia ka jingim jong ki.    1. U BARTIMAIOS Uei une U Bartimaios? Ka Bible ka iathuh ia ngi ba U Bartimaios u dei u briew uba matlah bad namar kata ka jingmatlah, u la hap ban shu makia bad ban shu khrong harud lynti. MARKOS 10:46 ter ter. Mut dur haduh katno ka jingsyrtok ka jingim jong u bapli. Um iohi ia ka bneng ka khyndew, um iohi shuh wat ia la ka kmie ba kha ba pun ia u, etc. Hynrei ha kawei ka sngi katba u dang shong khrong harud lynti, u la i