Jester Mawlong

Kumno phin ioh ia u snem thymmai basuk bad ba kmen? Phi lah ruh ban sngap ia kane ka khubor ha YouTube ha kane ka link Nga ngeit baroh ngi kwah ia u snem thymmai basuk bad ba kmen, dei namar kata ka daw baroh baroh ngi ia wish paralok naduh ka Christmas ban ong Christmas basuk, Christmas bakmen, haduh ka New Year ruh ban ong, Snem thymmai basuk, ' Happy New Year '. Namar ngi sngewthuh ba ka jingsuk bad ka jingkmen ka long kaba donkam haduh katta katta ha ka jingim jong u briew. Hynrei ka jingkylli ka long, Hato tang shu wish kumta ngin ioh shisha ia kata ka New Year kaba suk bakmen? Em, ym baroh ki ban ioh shisha ia kata tang da kaba shu ia wish paralok.  Ha kane ka por nga kwah ban pyni ia phi ia ka lynti kaba bha tam ban ioh ia u snem thymmai basuk bad bakmen, bad kata ka long: 1. Kylla kaba mut na ka pop  Kaba nyngkong lada ngi kwah ban ioh ia ka jingsuk bashisha ngi donkam ban kylla bamut na ki pop baroh. Lada ngim kylla bamut ngin nym lah satia ban ioh jingsuk

TO WAN HA NGA PHI BAROH KIBA THAIT BAD KIBA KHIA KA JINGKIT TE NGAN PYNJEM IA PHI MATHAÏOS 11:28‭ To wan ha nga, phi baroh ki bathait bad bakhia ka jingkit, te ngan pynjem ïa phi.   Paralok baieit, kaei ka jingkit bakhia ba phi don, U Jisu u tyrwa ban kit ei ia kata ka jingkit kaba khia jong phi.  1. Ka jingkit bakhia bad kaba khraw tam ka dei ka pop. Paralok baieit, ym don ka jingkit kaba kham khia ban ia ka pop. Ka pop kadei ka jingkit kaba khia tam kaba ban ia ka jingim u briew. Bad ia kane ka pop ym don satia mano mano ba lah ban kit lem, lane ban pyllait ia ngi, hynrei dei tang U Jisu.  Ka bible ka iathuh ia ngi ba dei tang U Jisu ba long U khun jong U Blei uba lah ban kit noh ia ki pop jong ngi. ÏOANNIS 1:29 Ha kaba lashai, u Ïoannis u ïohi ïa U Jisu ba U wan ha u, bad u ong, “Ha khmih, U Khun langbrot jong U Blei, uba kit noh ïa ka pop ka jong ka pyrthei! U dakait ba la rai pynrem da ka pyrthei, U Jisu u map ia u. LOUKAS 23:42-43 Ka kynthei ba klim ba la kem bad pynr

MINISTRY TOUR HISTORY                                                                            Ainguh ia U Blei naduh ba nga kylla kaba mut ha u 1993 U Trai u la rah ia nga sha ki jaka bapher bapher ban leit ban shakri ia U lyngba ki jingrwai, jingtem bad ka jingshakri ktien Blei ( ialap / hikai ). Kine harum ki long ki jaka ba nga lah poi ban leit shakri, katba nga lah ban buh jingkynmaw ei. A. EAST KHASI HILLS 1) Shillong (in different localities) 2) Jaroit 3) Mawryngkneng  4) Puriang 5) Laitkyrhong 6) Mawpynthih 7) Mawsing  8) Laitkor 9) Smit  10) Nongkrem 11) Jatah 12) Nohron 13) Nongryngkoh 14) Mawlyngngot 15) Umtyngngar 16) Mawmihthied 17) Laitryngew 18) Sohra (in different localities) 19) Kutmadan 20) Majai 21) Kongthong 22) Khrang  23) Lyngngar 24) Pynursla 25) Siatbakon 26) Mawpran 27) Nongkwai 28) Nohwet 29) Mawlynnong 30) Riwai 31) Rimassar  32) Lapalang  33) Wahkdait 34) Pomshutia 35) Sohlong 36) Mawryngkang 37) Tangmang 38) Nongshken 39) Hatthymmai  40) Umni

Nud ban rung lyngba ki lynti ba U Blei u mut ban pyndonkam ia phi U Blei u don la ki jong ki jong ki lynti ( process ) ban pyniaid ia u briew ha shuwa ba un pyndonkam ia u, bad lada uta u briew u lah ban iaid lyngba kita ki lynti ( process ), ngi ju iohi kumno ba U Blei u da pyndonkam radbah ia uta u briew, hynrei lada u briew um nud ban iaid lyngba, un shu kut noh kumto bad un nym lah ban poi shano shano ruh. Ngin ia peit mynta na ki katto katne ki briew kiba U Blei shuwa ba un pyndonkam ia ki, u la shah ba kin iaid lyngba ia ki lynti bapher bapher ha ka jingim jong ki. Bad haba kine ki briew ki la nud ban iaid lyngba ia kita ki lynti, ngi iohi kumno ba U Blei u la pyndonkam borbah eh ia ki. 1. U Moses U Blei shuwa ba un pyndonkam ia u Moses u la pyniaid ia u lyngba ki lynti tang kum u nongap jingri jong u kthaw kurim jong u.  Hato phi la ju pyrkhat ia kane ka lynti ba u Moses u la iaid? Mut dur, u pyrsa kurim un long tang kum u nongap blang ! Ha ka jingpyrkhat jong ngi, n

Ka jingmyntoi jong ka jingngeit Jinglamphrang : Ka don ka jingmyntoi bakhraw haba ngi don ka jingngeit ha U Jisu. Haba ngi pule ha ka Bible ngi iohi kiba bun ki briew ki la mad ia ka jingkyrkhu tang da kaba shu ngeit ha U Jisu. Bad lada ngi ruh ngi don ka jingngeit ngin dang iohi bad ioh mad ia ki jingkyrkhu lyngba ka jingngeit jong ngi ha U Jisu Khrist, namar ka Bible ka iathuh ia ngi ba U Jisu Khrist u long u juh,l mynnin, mynta bad sha bymjukut. (Heb 13:8). Kaba mut kumba u leh ki kambah mynshuwa, mynta ruh un dang iai leh. Amen  1. Ka jingngeit ka wanrah ia ka jingpynim Ha ka shithi sha ki nong Ephesos 2:8-9 ka ong ba da ka jingaiei la pynim ia phi, kata da ka jingngeit keiñ ha U Jisu Khrist. Haba ngi ngeit ha U Jisu Khrist ngin ioh ia ka jingpynim. * Ioan 3:16 uno uno uba ngeit... * Ioan 5:24 un nym hap ha ka jingbishar ba khatduh * ROM 1:17…ka long ka bor ban pynim ia uba ngeit * Loukas 7:50 ka jingngeit jong pha ka la pynim ia pha U Noah u la lait im na ka jingshlei

Kaba don bad U Jisu Ka jingpynlut por ban don bad U Jisu ka long kaba donkam palat ha ka jingim jong ngi ki bangeit bad ki briew jong U Blei. ( Nga kren ialade nyngkong, bad ia kiwei ruh kumjuh ). Ka jingpynlut por ban don bad U Jisu ka don ka jingkyrkhu bakhraw, kham tam ha ka jingshakri ia U Trai.  Ngi iohi shaphang U Petros bad U Ïoannis wat la mynshuwa ki long ki briew kiba ka pyrthei kam ju ithuh ia ki, ka pyrthei kam patiaw eiei shaphang jong ki, ki long ki bym long eiei, ( tang ki nongtong dohkha ) hynrei hadien ba ki la iashem bad U Jisu bad ki la pynlut por ruh ban don bad U ha ki por baroh bad kata ka jingdon jong ki bad U Jisu ka la pynkylla bak-lybak ia ka jingim bad ka jingshakri jong ki. Pule na ka kitab Ki Kam ki Apostol 4:1-22 , phin shem ia kane ka bynta. To ngin ia peit mynta ia ka jingmih lane ka jingkyrkhu na kaba don bad U Jisu:  1. Ka pynioh ia ka jingshlur 4:13a, Te haba ki la khmih thuh ïa kata ka jingshlur jong u Petros bad u Ïoannis… Haba nga kre

Hato u sdie jong phi u dang don? 2 Ki Syiem 6:1-7 ¹Te ki khun ki nongïathuhlypa ki la ong ha u Elisha, “Ha khmih te, kane ka jaka ba ngi shong ha khmat jong me ka khim eh ïa ngi. ²Ngi kyrpad ïa me, to ngin ïaleit sha Jordan, bad ngin rah nangta mar uwei uwei u bim, bad ïa, ngin ïathaw jaka hangta, ha kaba ngi lah ban ïashong.” Te u la ong, “To leit.” ³Te uwei u la ong, “Nga kyrpad ïa me, to sngewbha ban leit lem bad la ki shakri.” U te u la ïathuh, “To ngan leit.” ⁴Kumta, u la leit lem bad ki. Te ynda ki la ïapoi ha Jordan, ki la ïapom dieng. ⁵Hynrei, katba uwei u la dang khet ïa u bim, u sdie u la hap shapoh um; te u la pyrta, bad u la ong, “Waw, ko kynrad! namar uba la shu ïapan shibit.” ⁶Te u briew jong U Blei u la ong, “Ha-ei u la hap?” U te u la kdew ïa u ka jaka. Te haba u la pom u dieng, u la pashat ïa u shata, bad u la pynper ïa uta u nar. ⁷U la ong te, “To shim ïa u sha me.” Kumta, u la kner ïa la ka kti, bad u la shim ïa u. Ha kane ka lynnong bad ki dkhot la iathu

Ka Ktien jong U Blei ka hikai ba lada ngi leh eiei, khamtam ha kaba iadei bad ka jingshakri ia U Trai, ngi dei ban leh da ka dohnud baroh, ym ban leh tang dep rukom. La ka long ha ka ban kren ia ka Ktien U Blei, la ka long ha ka jingrwai jingtem ban iaroh iu Trai, ne kano kano kaba ngi leh, ngi dei ban leh da ka dohnud, da ka mynsiem baroh. KOLOSSAI 3:23‭-‬25 ²³Kat kaba phin leh, to trei naduh ka mynsiem, kumba ha U Trai, bad ym ha ki briew; ²⁴haba phi tip ba na U Trai phin ïoh pdiang ïa ka bainong jong kata ka bynta: naba phi shakri ïa U Khrist uba U Trai. ²⁵Namar uta uba leh bymdei, un pdiang pat na ka bynta kata ka bymdei kaba u la leh; bad ym don ka jingñiew shiliang khmat.  Note : Leh da ka dohnud ka mut, leh da ka jingshitrhem. Bunsien ngi hap ha ka jingpynshoi, ban ong oh leh malu mala, leh tang ban dep namar ka dei ka program kaba rit, namar ba ka dei ka program jong ki briew kaba nga shu leh namar bym lait ki briew. Kane ka jingmut ka long kaba bakla. Nga ioh ia ka

Hato phi la ju rwai ia ka jingrwai kiew kyrdan? Lada phi la rwai, kaei ka jingrwai kiew kyrdan kaba phi rwai? Follow me on YouTube Ha kawei ka sngi katba nga dang wan phai na ka jingleit ministry, U Trai u la pynkynmaw ia nga shaphang ka ' jingrwai kiew kyrdan ' ba la thoh ha ka kitab Salm. Hooid nga la ju iohi ia kane lah slem, hynrei ngam ju da pyrkhat jylliew, hynrei ha katei ka sngi ka shu wan kane ka jingkynmaw shaphang kane ka kyntien, ' ka jingrwai kiew kyrdan ', bad kane ka la ktik ia nga ba nga ruh nga donkam ban rwai bad iai rwai ia kane ka jingrwai kiew kyrdan. Lehse phi lah ban pyrkhat, kaei kata ka jingrwai kiew kyrdan? To ngin ia peit bad nga katto katne kita ki jingrwai kiew kyrdan ba ngi dei ban rwai. #-1. Ka jingkiew kyrdan na ka pop  Ka jingrwai kiew kyrdan kaba nyngkong kaba ngi dei ban rwai kadei ka jingrwai kiew kyrdan na ka pop. Shisien ngi la long ki nongpop, ngi la ngam ha ka pung ktieh ahor jong ka pop, kiba la dei ban shah rai pynre

Ka jingshakri ha ka jingialam U Mynsiem ka long kaba donkam haduh katta katta ha ka jingim jong ki briew jong U Blei. Lada ka jingshakri jong ngi ka long tang ka program briew ba la pynbeit lane tang da ka jingmut briew kan shu kut ha ka jingdukha jinglynga, ngin nym lah ban iohi ia ka jingseisoh kumba dei ban iohi. Ngi donkam ban duwai bad ban long sensitive ia ka jingialam jong U Mynsiem Bakhuid ha ka jingshakri jong ngi. Hooid ngam mut ban ong ba ngim donkam program shuh, donkam, tangba nalor baroh ngi donkam ban long kiba shah ialam ha U Mynsiem Bakhuid. follow me on youtube Ngin ia peit mynta na ka jingshakri jong u Philip, kumno ba u Philip u la shakri bad iaid ha ka jingialam U Mynsiem, bad kata ka jingshakri jong u ngi iohi ba ka shu tuid kumba tuid ka um, kam sangeh. Ngin pule na ka kitab Ki Kam ki Apostol 8:4 ter ter, hangne ngin shem kumno ba u Philip u la shakri ha ka jingialam U Mynsiem Bakhuid. KI KAM 8:4‭-‬5 KHB ⁴Namar kata, kita ïa kiba la pynsakma, ki la le

Intro : Ha kane ka por nga kwah ban ia peit katto katne halor kane ka phang, Kaei ba ngi dei ban leh hadien ba ngi la pdiang ia U Trai. Bad nga ngeit kane kan iarap ia ngi kumno ba ngin sngewthuh kaei kaba ngi dei ban leh.   Follow me on Youtube 1. THRANG IA KA KTIEN U BLEI 1 PETROS 2:1‭-‬2 ¹Namar kata, haba la iehnoh ïa ka jingpynsniew baroh, bad ka jingshukor baroh, bad ki jingleh arsap, bad ki jingbishni, bad ki jingïakren sniew baroh, ²kum ki khunlung ba dang kha, to phin kwah hir hir ïa ka basngur ka dud kaba dei mynsiem, khnang ba phin ïoh san da ka sha ka jingpynim. Haba ngi la kyllabamut, bad iehnoh ia ka pop, ki jingmlien basniew baroh, ngi donkam ban thrang bad sliang ia ka ktien jong U Blei. U Petros u ong ba ngi dei ban long kum u Khunlung ba dang kha, ban thrang, ban sliang ia ka ktien jong U Blei.  Balei ngi dei ban thrang ia ka Ktien U Blei? *** - Ba ngin ioh san. U bangeit u bym thrang ia ka Ktien U Blei un nym san, kam pher katno snem u lah ngeit, hynrei l

Balei ba ngi dei ban da sngew skhem bha ia kaei kaba ngi ngeit? Namar ka jingsngew skhem ka iarap ia ngi ba ngi lah ban ieng skhem. HEBRU 11:1 Te ka jingngeit ka long kata ka jingsngew skhem ïa kita kiei kiei ïa kiba ngi kyrmen, kata ka jingtynjuh ïa kita kiei kiei ki bymïohi.   Ka long kaba donkam ba ngin pynthikna ba ngi la sngewskhem ia kaei kaba ngi ngeit. Ka jingbym sngewskhem ia kaei kaba ngi ngeit ka pynlong ban artatien, ban synjor ka jingngeit bad wat ban phaidien ruh na ka jingngeit.  Balei ki briew ki leh tlot, ki artatien? Balei ki phaidien wat haba ki lah ngeit? Ka dei namar ka jingbym sngewskhem ia ka jingngeit kaba ki lah ngeit. Ki briew kiba lah sngew skhem ia kaei kaba ki ngeit kim khih la iap la im ruh.  U Joshua uba la sngew skhem bha ia kaei kaba u ngeit u la rai kut ban iaineh ha kata kaba u ngeit. U ong ia kita kiwei, lada phim idei ban shakri ia U Trai, to jied ma phi, iano phin shakri, hynrei ma nga bad ka ïing jong nga ngin shakri ia U Trai.  JOSHUA

Hato phi la jaw syep ? Mynne ka janmiet katba nga dang iaid lynti ban wan phai na ka jingleit ministry na Riatsamthiah, U Trai u la ai ia nga ia kane ka khubor kaba long ha ka dur ka jingkylli, bad kata ka long "Hato phi la jaw syep na ka bynta U Trai?"  Kane ka long ka jingkylli ba ngi hap ban kylli ia lade shimet shimet, katno nga la jaw syep na ka bynta U Trai. Ngi im ha ki sngi ha kaba ka pyrthei ka beh tang ia kaei kaei kaba suk, kim da kham sngewtynnad ia kaei kaei kaba kham eh, kata ka long ka pyrthei ba ngi im mynta. Kumta ngi shem wat ha ka rukom shakri Blei ruh ka la long kumta, ki briew kim da sngewtynnad ban shah shitom, bad ban mih syep ha kaba shakri ia U Blei, ki la kwah tang ban shakri jem met beit, da sngew kwah leit jingiaseng leit, da sngewthait, thiah noh ha ïing, lada leit jingiaseng ruh shisien, bad arsien ha ka Sunday ka lah dei maximum, kim kwah shuh ban pynmih syep ha ka jingshakri ia U Trai. U Jisu, tang ba ngin im ma ngi u la jaw syep on

U Shipai babha Text : 2 TIMOTHY 2:1-13 Ha kane ka lynnong, u Apostol Paul u kyntu ia U Timothy ba u dei ban long kum u shipai. Bad haba ngi pule ter ter ngi iohi u batai kumno ba kum uta u shipai babha u dei ban long. 1. U shipai u donkam ban pynkhlaiñ shuwa ia lade. Dkhot 1: "Ma me, namar kata, ko khun jong nga, to pynkhlaiñ ïa lade ha ka jingaiei kaba ha U Khrist Jisu." Ka jingkhlaiñ ka dei ka bynta ba kongsan ha ka jingim jong u shipai. Kiba tlot kim lah ban long shipai. Dei namar kata ka daw U Blei u kyntu barobor ia ki shipai jong u ba kin long kiba khlaiñ. JOSHUA 1:6-9 EPHESOS 6:10 Kumno ngin pynkhlaiñ? 1) Ktien U Blei 2) Ka jingiadei ba jan bad U Blei lyngba ki jingduwai, jingmane, etc.   2. U shipai u hap ban shah shitom. Dkhot 3: "Ma me, namar kata, to shah shitom bad nga, kum u shipai babha U Jisu Khrist." U shipai u dei ban don ka dohnud kaba long la kloi ban shah shitom, lada ngim treh ban shah shitom na ka bynta jong u, na ka bynta ka gos

Ka dor jong ka ïing shongneh jong ngi  Ka dor jong ka ïing shongneh ( bneng ) ka dei kaba ym lah shuh ban pyniaryngkat badno badno, ym nym don ïing dulan paki, yn nym don ïing syiem, ïing bakhraw batri ka ban ia ryngkat bad ka. Ngi lah ban sngewthuh haduh katno ka dor jong ka na kaei ba U Jisu u ong. ÏOANNIS 14:1‭-‬3 ¹“Wat khih khuslai na ka dohnud jong phi: to ngeit phi ha U Blei, to ngeit ha nga ruh. ²Ha ka ïing U Kpa jong nga don bun ki pulit shongneh; lymda kumta, nga la ïathuh ha phi; naba ngan sa leit noh ban khreh ka jaka ïa phi. ³Ynda nga la leit noh, bad ba nga la khreh ïa phi ka jaka, ngan wan pat, bad ngan shimti ïa phi ha lade hi, ba ha kaba nga long ma nga, phi ruh phi lah ban long.   Ka temple u Solomon la tei tang hapoh 7 snem ( 1 SYIEM 6 ) bad la tei ia ka tang da u briew, katta ruh ki ong ba ka la long kaba itynnad haduh katta katta, mut dur haduh katno kata ka jaka shongneh jong ngi kan long kaba kham itynnad shuh shuh, la pynkhreh mynta palat 2000 snem,

U Soitan u don la ka buit bad ka sur ban kren bad ban pasiaw ha ki briew, u kren ha ki rukom bapher bapher bad ha ki por bapher bapher, u kren lyngba ki briew, u kren lyngba ki paralok, un pasiaw ruh wat ha ki bangeit bad kiba la jied jong U Blei ban shukor bad pynjot ia ki. (MAT 24:24) Lada ngim nang ban bishar bad ban sngewthuh, ngin shah shukor noh ha kata ka sur jong u. Follow me on YouTube Ka Im kam shym la nang ban sngewthuh ba kata ka sur kaba wan kren ha ka mynba ka don ha Kper Eden ka dei ka sur jong u Soitan, kam dei tang ka sur u bseiñ. Kumta haba kam shym la nang ban sngewthuh, ka la shah shukor bad ka la hap noh ha ka pop. JENESIS 3:1 ter ter  Hangne nga don ia 3 tylli ki point kumno ba ngi dei ban nang ban sngewthuh ia ka sur u Soitan khnang ba ngin nym shah riam bad ngop ha ka sur jong u. 1. Nang ban sngewthuh ia ka sur u Soitan haba phi don ha ka jingkyrduh ne jingthngan. U Soitan um ju shongthait, u iaid sharum shaneng ha ka khyndew, ong ka Ktien jong U Bl